×

Ika Bible 2018

Ẹbụ-ọma 51

1
Dodo mẹ omikẹn m, Osolobuẹ, makẹ ufiri ihiẹn-ọsụsụọ ị; gi ufiri okẹn ẹfọma ị finchanpụ njọ ile m mẹ i!
2
Chanchanpụchanrịn ihiẹn ile m mẹ ikpe gi ma m, y'e fepụ m ẹhụ njọ m mẹ!
3
A marịnghọ m n'e mẹọlẹ m njọ: ogẹn ile kẹ njọ m gi a ma m ikpe.
4
Ịyụ kẹ m mẹ njọ — ịyụ sụọ; e mẹọlẹ m ihiẹn rịlẹni mma ẹnya ị. Ya wụ, y'e mẹghọ ọhụnma ebe i nọ ma m ikpe; y'e mẹni eje-ihiẹn ebe i nọ hangbu m eṅẹn.
5
Onyẹ-njọ kẹ m wụ kete w'a mụlẹ m — kete nnẹ m a tụlẹ imẹ m!
6
Ẹghẹẹ, ezioku gha akpak'alị obi pụha kẹ ị chọ; y'e mẹ m amarịn ihiẹn rị mma imẹ obi m.
7
Gi ẹrurushin-hisopu i fe m ẹhụ kẹni m rịzị ọchan; sụ m ọhụnma-ọhụnma lekẹ ẹkwa, kẹni m nwunnahịn ẹkwa-ọchan.
8
Dodo, mẹ m ghọghọ, mẹ ẹfọ sụọ m ụsụọ; yezi m ịghọghọ ru m ọkpụkpụ k'i dọn gweriẹn m ru ọkpụkpụ.
9
Elezilẹ njọ m mẹ, ka finchanpụ ihiẹn ile m mẹ ikpe gi ma m.
10
Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.
11
Achụpụlẹ m ebe ị rị; ewepụlẹ Mmọn-nsọ ị imẹ m.
12
Yezi m ịghọghọ onyẹ hụn ị zụọpụha, y'e ye m obi m'e gi turusọnmẹ.
13
Ogẹn ahụn, a kuzimẹ m ndị e nupụ isi ụzọ ị, ndị-njọ e gbehutọ buruhẹ i.
14
Chuku, dodo anịlẹ isi m tọ ọchụ m gbu, dodo, Chuku hụn a zụọpụhanị m! Ọnụ m sikọ d'e yi oro ịghọghọ, ku ẹ nị y'a rịka mma.
15
Di-nwọnni-ẹnyi, dodo shịapụ ụgb'ọnụ m, kẹni ọnụ m ja ị mma.
16
Makẹni ẹlẹ ẹjan kẹ ị chọkọ, nkẹ m'a chụnyeni i ẹjan; ẹjan wẹ dụn ọkụn ara sụọ ị.
17
Ẹjan Osolobuẹ chọ wụ obi njọ a rị a fụ; Osolobuẹ, y'a jụkọ obi welụa enwẹn ẹ alị njọ a rị a fụ!
18
Dodo, mẹ ọhụnma n'ọ rịnị Zayọnụ mma; tụndọnzi mgbọn Jerusalẹm.
19
Ogẹn ahụn ezigbo ẹjan wẹ k'a chụnyeni i a sụọma ị, ẹjan wẹ dụn ọkụn, ẹjan wẹ dụchanrịn ọkụn; e gizi wẹ okẹn-efin chụnyen'i ẹjan elu ukpo nchụn-ẹjan ị.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes