×

BIBELE 1951

Lipesaleme 51

1
Modimo, ntšhokelwe, ka gobane o yo botho. Mphumole bosenyi, ka gobane kgaugelo yago ke e kgolo.
2
Napa o ntlhatswe molato, o ntsheketše, ke tšwe dibe.
3
Gobane nna, bosenyi bja ka ke a bo tseba, mme sebe sa ka ga se tloge pele ga ka.
4
Ke senyeditše wena, wena fela; ke dirile sa go go befela; ke gona, o tlo loka, ge o bolela, o tlo rereša ge o ahlola.
5
O a tseba, ke belegwe ke le wa molato; gomme mme o nkamogetše ke le wa dibe.
6
Bjale, ka ge o kgahlwa ke therešo e le mo pelong, o nthute ge thopeng bohlale bjoo.
7
Ako nntšhe dibeng, ke fokelwe ke wena ke sekege; o ntlhatswe ke tage ke fete leswela.
8
O nkwiše tlhalalo le thabo, gore ditho tše o di robagantšego di ipshine.
9
Dibe tša ka o se ke wa hlwa o di bona; makgopo a ka a phumole ka moka.
10
Modimo, mpopele pelo e sekilego. Buša o nneele moya wa go tia ka teng ga ka.
11
Se nthake pele ga gago; mme o se tloše moyamokgethwa wa gago go nna.
12
A nke o bušetše go nna lethabo la mophološwa wa gago; o ntiiše ka moya wa mafolofolo.
13
Ke kgone go ruta baarogi tsela tšago; mme badiradibe ba boele go wena.
14
Nthole molato wa madi, Modimo, wena Modimo wa go mphološa, gore leme la ka le thabele go loka ga gago.
15
Mongaka! Bula molomo wa ka, ke ahlame ke kwatše theto tšago.
16
Gobane se se go kgahlago ga se sedimo; ge ke tliša dihlabelo, ga di go thabiše.
17
Didimo tše di go kgahlago, ke moya o robegilego; pelo ge e robegile, ge e setlegile, wena Modimo o ka se e nyatše.
18
Letla Tsione ka botho bja gago, o age merako ya Jerusalema.
19
Ke mo o tlogo thabišwa ke didimo tša go loka, le dihlabelo le dibego; ke mo aletareng ya gago ba tlogo hlaba dipowana.
Sotho Bible 1951
Bible Society of South Africa 1986
:
Boloka Lintlha