×

Ika Bible 2018

Ẹbụ-ọma 52

1
K'ị rị e gini eje-ihiẹn a nyan isi, odogun-agha? Onwọnni ogẹn Osolobuẹ e gi latọ ndị nke ẹ.
2
Ị hụ e gi ire i a tụ iroro ntikpọ, ire i hụ a tụ nkọ kẹ ẹbeke; ịyụ, onyẹ ntụ!
3
Eje-ihiẹn ka ị a sụọ karị ezigbo-ihiẹn, ntụ ka ị a sụọ karị ezioku.
4
Oku e wiwi ihiẹn ka ị a sụọ, onyẹ-ntụ!!
5
Kanị, Osolobuẹ k'a kụtu i, y'e lihikọzị jẹnrin ejẹn! O k'a gha iwe i jụrụ ị wepụ, huepụ ị imẹ ndị rị ndụn.
6
Ndị ezi-omumẹ k'a hụn ihiẹn mẹn'i, egun a tụ wẹ; a mụma wẹ i ẹmụ, a sị,
7
“Lee dikẹn nwẹn jụ n'o gbọnkọnị Chuku, kama, o gi akụ-lẹ-ụba a dọn ẹnya, gi ẹ zekẹnmẹ e tikpọ ndị ọzọ!”
8
Mmẹ nwẹn k'a rị Ụlọ Chuku, e du kẹ osisi-olivu; ihiẹn-ọsụsụọ Chuku nwọnni ndị nke ẹ kẹ m'e gi dọn ẹnya jẹnrin ejẹn.
9
M k'a gha a kpanmịn ị jẹnrin ejẹn, Osolobuẹ, makẹ ihiẹnni i mẹ; m k'a ja Ẹfan ị mma, idẹnya ndị nke i.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes