×

[Sagrada Biblia] Quechuan 2011

Salmos 52

1
Edom runa Doeg jutiyojmi ray Saulman aywaycur willaran: «David Ahimelecpa wasinman aywasha» nir. Chaypitami Davidga isquirbiran cay alabansata. Munayniyoj fiyu runa, ¿imanirtaj cushicunqui mana allita rurashpayqui? Chayno captiquipis Tayta Dios cuyacoj cashanga imaypis manami ushacangachu.
2
Mana allicunata rurayllatami yarparaycanqui. Washa-rima cashpayquimi pï-maytapis llullapar goyanqui.
3
Alli goyänayquipa ruquin juchallatami ruranqui. Rasun cajta rimanayquipa ruquin llullacuyllatami arunqui. Selah
4
Llulla runa, gamga runa-masiquita manacajman churaycanqui.
5
Chaypitami Diospis quiquiquita illgächishunquipaj. Charircurmi wasiquipita jitarishunquipaj. Mananami cawanquipänachu. Selah
6
Diosta wiyacojcunaga chayta ricar fiyupami almiranga. Dios castigashan runapäga asir nenga:
7
«Masqui ricay, Tayta Diosman mana yäracoj runata, rïcu cayllanman yäracushpan mana allita rurajta.»
8
Nogami ichanga Tayta Diospa Wasincho caycä cawaj Olivo jachano. Pay cuyacoj captin imaypis payllamanmi yäracushaj.
9
Tayta Dios, llapanta rurashayquipitami imaypis agradësicamushaj. Gam alli cayniquipami wiyacushojcunawan iwal gamman yäracamushaj.
Quechuan Bible 2011 (QUB)
2011, Wycliffe Bible Translators, Inc.
:
Guardar notas