×

Adamawa 1994

Jabuura 53

1
Ngam kaliifaajo gime. Yimre Daawuda ekkitinoore fodde daande “mahalat”.
2
Faataaɓe ɗon mbi'a: “Allah walaa!” Fakat ɓe mbonnake, ɓe ɗon mbaɗa sooynde adilaaku hulniinde. Walaa baɗanɗo ko wooɗi, walaa koo gooto!
3
Diga asama, Allah jimmiti, o ɗon laara ɓiɓɓe Aadama, haa o yi'a to woodi marɗo hakkiilo, ɓaditanɗo mo.
4
Ammaa ɓe fuu ɓe celi laawol gooŋga, ɓe mbonnake. Walaa baɗanɗo ko wooɗi, walaa koo gooto!
5
“Waɗooɓe zunuuba ɓe'e fuu, ngalaa hakkiilo na? Ɓe ɗon nyaama ummaatoore am bana nyaamugo nyaamdu, ammaa ɓe ewnataa innde Allah.”
6
Kanjum ɓe ndiwnan ngam kulol, koo to daliila kulol walaa. Allah saŋkitan i'e hippooɓe ma, ɓe mbustan, ngam Allah wudini ɓe.
7
Moy hokkata kisndam haa Isra'iila diga Siyona? To Allah wartiri ummaatoore muuɗum diga jeyaaŋgu, nden kam danygol Yaakubu welweltan, Isra'iila seyoto.
Fulfulde Bible Adamawa 1994
DEFTERE ALLAH Alliance Biblique du Cameroun, 1994
:
Hisnu Teskorɗe