Ika Bible 2018
|
| 1 |
| Onyẹ ẹwobi sị enwẹn ẹ, “Chuku arị.” E wiwigụọ wẹ; wẹ hụ e mẹ arụ lẹ eje-ihiẹn. Onwọnni onyẹ e mẹ ihiẹn rị mma. |
| 2 |
| Chuku gha elu-igwee e lee ịhịan, n'ọ hụn kẹ o nwọnghọ ndị nwọn ezigbo uche, ndị rị a chọ nke Chuku. |
| 3 |
| Kanị, wẹ ile a kpahugụọ; wẹ ile a rụgụọ; onwọnni onyẹ e mẹ ihiẹn rị mma, onwọndẹni kaka akpụ onyẹ ohu. |
| 4 |
| Ndị e mẹ eje-ihiẹn e nwọndẹ uche ra? Ndị hụn e ri ndị nke m kẹ brẹdi, ndị ghalẹni a kpọku Chuku. |
| 5 |
| Okẹn egun a tụmagụọ wẹ nwan ebẹhụ — bụ ihiẹn egun arịa, makẹni Chuku e mẹgụọ ndụn gụ ndị kehunmẹ ụnụ, gụ wẹ ru ọkpụkpụ; ụnụ e mẹri wẹ, ifẹnrẹn e mẹgbu wẹ, makẹni Chuku a jụgụọ wẹ. |
| 6 |
| Dodo, nzụọpụha ya gha Zayọnụ bịan'ị Izrẹlụ!! Ogẹn Chuku e gi dọnzini ndị nke ẹ ihiẹn, ndị Izrẹlụ, ebọn Jekọpụ k'a ghọghọ; ẹfọ k'a sụọgbu ndị Izrẹlụ ụsụọ! |
| Save Notes |
https://beblia.bible:81/BibleAudio/ika/psalms/053.mp3
150
53