Maayong Balita 2012
|
| 1 |
| Ang mga buangbuang nagasiling sa ila kaugalingon, “Wala sing Dios.” Malaut sila tanan, makangilil-ad nga mga butang ang ila ginahimo; wala gid sing isa nga nagahimo sing matarong. |
| 2 |
| Gikan sa langit ang Dios nagatamod sa mga tawo sa pagtan-aw kon may ara nga mga maalam, kag nagasimba sa iya. |
| 3 |
| Pero nagbiya sila tanan: palareho sila tanan nga malain. Wala sing isa sa ila nga nagahimo sing matarong, wala gid bisan isa. |
| 4 |
| Nagapamangkot ang Dios, “Wala gid bala sila makahibalo? “Wala gid bala sing inalung-ong ining mga manughikot sang malaut? Nagakabuhi sila sa pagpangawat sa akon mga tawo, kag wala sila nagapangamuyo sa akon.” |
| 5 |
| Pero karon magakurog sila sa kahadlok, nga wala pa gid nila maagyi sang una, tungod kay pagalaptahon sang Dios ang mga tul-an sang mga kaaway sang iya mga katawhan. Ang Dios nagsikway sa ila, gani ang Israel magalutos sa ila sing bug-os. |
| 6 |
| Daw ano ang akon pagpangamuyo nga gikan sa Sion ang kaluwasan magaabot sa Israel! Daw ano ang kalipay sang katawhan sang Israel kon ang Dios magpauswag sa ila liwat! |
| Save Notes |
https://beblia.bible:81/BibleAudio/ilonggo2012/psalms/053.mp3
150
53