×

Ekitabo Erikwera 2008

Zaaburi 53

1
Omushema agira omu mutima gwe ati: Ruhanga tabaho! Tihaakiriho murungi, boona n'embeihi, basiisikaire, tibaine mutambo.
2
Ruhanga ayemi omu iguru, naanaga eriisho aha bantu, kureeba yaaba hariho oine obwengye, nangwa omwe ati, orikumusherura.
3
Kwonka boona bateishukire, boona hamwe basiisikariire kimwe. Tihaakiriho murungi, nobu yaakuba omwe.
4
Enkozi z'ebibi nikwo zifiire zityo omutima, zikamira abantu bangye nk'abarikurya ebyokurya, kandi zitende kutakira Ruhanga!
5
Baitsirwe obwoba ahi butakubaitiire. Manya Ruhanga anaganagire amagufa g'abazigu baawe; yaabahemura, ahabw'okuba abacwire.
6
N'oha orireetera Isiraeli okujunwa okuruga Siyooni? Ruhanga ku arigarura abantu be omuka, ebishi, Yakobo aryayesiima, Isiraeli ananukye!
Nyankole Bible 2008
The Bible with Apocrypha in Runyankore-Rukiga, new revised joint translation The Bible Society of Uganda, 2008
:
Save Notes