×

現代台語譯本羅馬字版

詩篇 54

1
Siōng-tè ah, kiû lí in-ūi lí ê miâ chín-kiù góa, ēng lí ê koân-pèng thòe góa sin-oan.
2
Siōng-tè ah, kiû lí thiaⁿ góa ê kî-tó, àⁿ hī-khang thiaⁿ góa só͘ kóng ê ōe.
3
In-ūi siⁿ-hūn-lâng khí-lâi kong-kek góa, chân-jím ê lâng siàu-siūⁿ góa ê sìⁿ-miā; in gán-tiong bô Siōng-tè.
4
Siōng-tè khak-si̍t sī góa ê pang-chān; Chú sī góa ê pó-hō͘-chiá.
5
Kiû lí ēng góa ê tùi-te̍k tùi góa só͘ chòe ê pháiⁿ kā in pò-èng, chiàu lí ê sìn-si̍t kā in húi-bia̍t.
6
Góa beh kam-sim lo̍k-ì hiàn chè-mi̍h hō͘ lí; Siōng Chú ah, góa beh kám-siā chheng-chàn lí ê miâ, in-ūi lí sī hó.
7
Lí ū kiù góa thoat-chhut it-chhè ê hoān-lān; góa ū chhin-ba̍k khòaⁿ-tio̍h góa ê tùi-te̍k bia̍t-bông.
Chinese TTVR
The Bible Society in Taiwan
:
保存笔记