×

Ika Bible 2018

Ẹbụ-ọma 54

1
Chuku, dodo gi Ẹfan ị zụọpụha m; gi ikẹn i ghọsị wẹ n'o nwọnni ihiẹn m mẹ!
2
Chuku, dodo nụ ekpere m; gọn ntịn ihiẹn m rị a gwa ị!
3
Makẹni ndị marịnlẹn'i e bugụọ nụmanị m; ndị ẹfọ-njọ rị a chọ nị wẹ gbu m; egun Chuku arịdẹ wẹ ẹnya!
4
Kanị Chuku wụ onyẹ e yeni m ẹka; Di-nwọnni-ẹnyi wụ onyẹ e dọnmẹ m ndụn.
5
Eje-ihiẹn ahụn ndị-iṅẹnrẹn m mamanị m ya nọ isi wẹ bụn. Tikpọ wẹ, ni ị wụ eku e mẹ.
6
M k'a chụnyen'i ẹjan gha m obi pụha; m k'a ja Ẹfan ị mma, Osolobuẹ, n'ọ rịka mma.
7
Makẹni, y'a zụọpụhagụọ m imẹ nsọngbu m ile; e gigụọ m nwan ẹnya hụn kẹ ndị-iṅẹnrẹn m dan.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes