×

SEBR SÕNGO 1998

Yɩɩla 54

1
Yɩɩla naab kɩtdame tɩ b yɩɩle ne ruuds la koala. A Daviid yɩɩlle.
2
Yɩɩ Zif tẽng rãmba sẽn waa n wilg a Sol t'a Daviid waa n solga a meng bãmb sʋka.
3
Soaala, wa-y ne y pãnga n fãag maam. Wilg-y tɩ b bãng tɩ yãmb n kõt-m bʋʋm.
4
Soaala, wʋm-y m pʋʋsgo, kelg-y m sẽn togsde.
5
Bu-zẽmba baoo zabr ne maam, nin-kʋʋdba dat n daaga m zɩɩm la b pa geelg n ning Wẽnd sʋk ye.
6
Mik Wẽnd ya-la m sõangda, bãmb bala.
7
Woto wã bɩ b ra bas sẽn dat-b maam ne wẽnga ye, y sẽn nong maama bɩ y menes-ba.
8
Yɩta ne yamleoog la m na n kʋ maando y yĩnga, la m pẽg y yʋʋr sẽn pid ne sõmblem.
9
Soaala yols-m-la ne yɩɩr buud fãa, tɩ m me kẽnd la m yĩgsd m bɛɛba.
Mossi SSDC 1998
SEBR SÕNGO Alliance Biblique du Burkina Faso, 1998
:
Save Notes