|
| 1 |
|
| Euu Chuku, dodo gọn ntịn ekpere m; ebupụlẹ ihun arịrịọ m! |
|
| 2 |
|
| Gọn m ntịn, n'ị za m makẹni nsọngbu m anịnị obi ru m alị; obi rị a gbaka m |
|
| 3 |
|
| yeni mban ndị-iṅẹnrẹn rị a ban, yeni ihiẹn ile ndị ẹfọ-njọ rị e mẹ — makẹni wẹ rị e nu nsọngbu e ye m isi, e gi olulu e sọn m. |
|
| 4 |
|
| Obi m rị a dụ ọda-ọda; egun ọnwụn a tụgbu m. |
|
| 5 |
|
| Egun hụ a tụ m, ẹhụ hụ a ma m nni; a ma m piripiri ọda-ọda. |
|
| 6 |
|
| M sị enwẹn m, “Omẹni m te nwọn nku kẹ nduru, nkẹ e fepụ m d'e zu ikẹn. |
|
| 7 |
|
| Nkẹ m'a gbate; nkẹ m'e biri imẹ atụ. |
|
| 8 |
|
| Nkẹ m'a gbashi ebe m'a nọ wanahịn — wanahịn okẹn ufere lẹ ẹbini rị a kpọnị!” |
|
| 9 |
|
| Di-nwọnni-ẹnyi, dodo kpayịya wẹ — mẹ wẹ aghọtazịlẹ ihiẹn ibe wẹ rị e ku! Makẹni, m rị a hụn ẹka-ikẹn lẹ isusu imẹ obodo. |
|
| 10 |
|
| Uhinhin lẹ efinnaị ndị nche hụ a ghahunmẹ elu mgbọn ẹ, kanị eje-ihiẹn lẹ nsọngbu e jun imẹ ẹ. |
|
| 11 |
|
| Ntikpọ jun imẹ ẹ; Mbịangbu lẹ ntụ ara kọ ọgbara-ogbe lẹ ọgwa a!! |
|
| 12 |
|
| Omẹni eṅẹnrẹn rị a mụ m ẹmụ, nkẹ ọ nị m dingbu; omẹni onyẹ-iwe rị e mẹ m okẹn ihiẹnni, nkẹ m'a gbapụn'a. |
|
| 13 |
|
| Kanị, ịyụ rọ, ibe m, ezigbo ọwụ m hụn m gi e mẹ ẹhụ; |
|
| 14 |
|
| onyẹ mmẹ lẹ ịya te gba e shi inyẹnrẹn, e jẹngbamadẹ Ụlọ Chuku d'e sọn igunrun ndị nke Osolobuẹ e fe ofufe. |
|
| 15 |
|
| Wẹ nwụnchu! Wẹ li wẹ ebe wẹ rị ndụn! Makẹni eje-ihiẹn rị ụlọ wẹ lẹ imẹ igunrun wẹ. |
|
| 16 |
|
| Kanị m hụ a kpọku Chuku: Osolobuẹ jẹnkọ d'a zụọpụha m. |
|
| 17 |
|
| Kẹ uhinhin kẹ ụtụntụn kẹ efinnaị, m hụ a gwaghọsị a nsọngbu m, a sụn udẹn; ọ k'a nụ olu m. |
|
| 18 |
|
| O k'a gbapụha m, onwọnni ihiẹn aghanị k'e mẹ m, ọsụọn'a nị ndị bu ọda rị a lụsọn m. |
|
| 19 |
|
| Chuku k'a nụ ekpere m, shịarị wẹ; ịya rị a kị gha alị lala. O k'e mẹ wẹ ihiẹn makẹni ekweni wẹ bihutọ ẹka, w'a ra tụ egun Chuku. |
|
| 20 |
|
| Onyẹ mmẹ lẹ ya te wị e mẹgbama e bugụọ nụmanị m; o tikpọgụọ nkwa o kwe. |
|
| 21 |
|
| Oku-ọnụ a riẹnnahịndẹ udẹn-olivu, kanị agha rị a obi; oku-ọnụ a riẹnnahịndẹ ofugbọn, kanị ọpịa-agha wẹ sepụhagụ rọ! |
|
| 22 |
|
| Bu nsọngbu i ye Osolobuẹ, o k'e dọnmẹ i; onwọnni ogẹn o k'a nị wẹ mẹhunmẹ ndị ezi-omumẹ |
|
| 23 |
|
| Kanị Osolobuẹ, i k'a tụ ndị-izighẹ ahụn lẹ ndị-ntụ ahụn ye ebe ka e mi imẹ mgbugbu ahụn; wẹ k'a nwụnchu! Kanị mmẹ nwẹn, m k'e gisọnmẹ i dọn ẹnya! |
|
|
|
|