1
Ako Mbori, mo yé turo sa gi kpetambuahe; ko mo óko nga tiro tipa gi kpesarawati ya!
2
Mo dége turo, ki karaga pai fere; mi nawo be gi baka bangirise, ni zuruma;
3
be gu fugo nga ga iravura, na be gu rungosi nga ga gbegberẽ aboro. Mbiko i ba irairapai ku ri re, ki nirungosi re ni gayo zinga.
4
Kpotore yo naima aima rogo re yo gbe, airiwo kpio ki ti ku auru re.
5
Bakere gunde naye sa re na kio, gbudagbuda ki zi re.
6
Mi ki ya, “Ako ka mi nidu na pupo ti re wa ga mbipo! Ka mi gu agu ku sa yo, ki sungu zezeredi;
7
ii, ka mi merẽ tuturũ, ki nye ku ngbakunga yo.
8
Ka mi ipisi tire ku bagbuko yo be gugugu yuge na bazigizo a.”
9
Ako Gbia, mo gbárasi gayo pai, ki kparaka fugoyo; bambiko mi bi pa zuu rogo bakporo na kpata a.
10
Uru na yuru i nata ata kirikiri ri ngapaha; irairaapai du rogo ho na sawia a,
11
gbegberẽapai du rogo ho; bau na biriki aguari nga ngba gene gaha kporo te.
12
Bambiko si adu nga wa vurare asoi pai kuti re te― ka si adu wo ka mi ahi he; si adu nga wa sogore akiisi pa tini kuti re a te― ka si adu wo ka mi aoko tire be ni.
13
Ono mo du, nga gu boro rengbe na kina re, nga kuare, ni wene badiangbare a.
14
Ani anidu na wene ngbanya dagba rani na mo nifura zezeredi; ani anita ata na mo rogo ga Mbori bambu na rimbasa aboro.
15
Kpio zí yo azia ni ba sa; i zórõ ku Baatoro kpikpi aboro yo ni kina ungayo; bambiko gbigbitapai du fu yo rogo gayo banye.
16
Mi tigimi, mi nakpara fu Mbori; ono Yekova abátasa re.
17
Nyemu, wiso na bebere uru a, mi nakpara gi kperungo ki nikpari ku ari, ko agía fugore agia.
18
Ko abátasa mbisimore zezeredi be gu vura nadu kuti re, bambiko i ni dungu yo naso vura kuti re.
19
Mbori agía fugore, ki payasi yo, nga gu ko nadu ho mbata a kindi; i nga agu yo adu nga na satise ti yo ya, agunde nga ti Mbori a ya.
20
Gu kuare ataĩ beko kuti abadiangbako, ko abiriki rogo pa gako zungahe.
21
Fugo ngbako azerenge wa nzeme bagara, ono vura adu ku kpotoko yo; gako gumbapai arungbura susi nzeme, ono si adu wa agu abaasape i aima mofa.
22
Mo bá ga tindiro ku auru Yekova, ko asóngoda ro; ko aída nga i gbisi ruru boro wa sa te.
23
Ako Mbori, kina ro nikaye na yo ku rogo due gbarasahe; abaimiaboro na airabiriki adú nga ni ungayo tipa kina bebere gayo rame te. Ono mi akída kuti ro.
Zande Bible 1978
La Sainte Bible en Zande Alliance Biblique Universelle, 1978