現代台語譯本羅馬字版
|
| 1 |
| Siōng-tè ah, kiû lí lîn-bín góa, in-ūi lâng thún-ta̍h góa, kui-ji̍t kong-kek ap-chè góa. |
| 2 |
| Góa ê tùi-te̍k kui-ji̍t thún-ta̍h góa; Chì-koân ê Siōng-tè ah, kong-kek góa ê lâng chin chōe. |
| 3 |
| Góa kiaⁿ-hiâⁿ ê sî, góa beh óa-khò lí. |
| 4 |
| Góa óa-khò Siōng-tè, góa beh chheng-chàn I èng-ún ê ōe; óa-khò Siōng-tè, góa chiū bô kiaⁿ. Ōe-sí ê lâng ōe-tàng kā góa án-chóaⁿ? |
| 5 |
| In kui-ji̍t oai-khiok góa ê ōe, só͘ siūⁿ--ê lóng sī beh hāi góa. |
| 6 |
| In chū-chi̍p, bâi-ho̍k, teh siòng góa ê kha-pō͘, tng-tán beh hāi góa ê sìⁿ-miā. |
| 7 |
| In chòe pháiⁿ kiám ōe-tàng tô-thoat? Siōng-tè ah, kiû lí hoat siū-khì hō͘ chiah-ê tùi-te̍k khut-ho̍k. |
| 8 |
| Góa ê pi-siong, lí ū kì-lio̍k; kiû lí chiong góa ê ba̍k-sái siu tī lí ê phê-tē. Chiah-ê kiám bô lóng kì tī lí ê chheh? |
| 9 |
| Góa kiû-kiò ê sî, tùi-te̍k lóng ōe oa̍t-tńg-sin thè--khì; góa chai, Siōng-tè ūi góa. |
| 10 |
| Góa óa-khò Siōng-tè, góa beh chheng-chàn I èng-ún ê ōe; góa óa-khò Siōng Chú, góa beh o-ló I ê ōe. |
| 11 |
| Góa óa-khò Siōng-tè, góa chiū bōe kiaⁿ; lâng ōe-tàng kā góa án-chóaⁿ? |
| 12 |
| Siōng-tè ah, góa beh chiàu góa ǹg lí só͘ hē ê goān, tùi lí hiàn siā-un ê chè. |
| 13 |
| In-ūi lí ū kiù góa ê sìⁿ-miā thoat-lī sí-bông, pó-hō͘ góa ê kha bô poa̍h-tó, hō͘ góa tit-tio̍h oa̍h-miā ê kng ín-chhōa, kiâⁿ tī lí bīn-chêng. |
| 保存笔记 |
https://beblia.bible:81/BibleAudio/chinesettvr/psalms/056.mp3
150
56