×

Ika Bible 2018

Ẹbụ-ọma 56

1
Chuku dodo, mẹni m omikẹn, nị ịhịan rị a bịangbu m; wẹ rị a lụsọn m ọgụn kẹ ụhụọhịn han.
2
Ndị eṅẹnrẹn m rị a chụ m uhinhin lẹ efinnaị; wẹ bu ọda rị e mẹkarị enwẹn wẹ a lụsọn m ọgụn.
3
Egun tụma m, ịyụ kẹ m'a tụkwasị obi.
4
M k'a ja Chuku mma makẹ nkwa o kwe. Chuku kẹ m gi e dọn ẹnya; egun atụkọ m; kị ịhịan k'a s'ẹka mẹ m?!
5
W'a fịhutọ oku m Uhinhin lẹ efinnaị; a chọ ihiẹn w'e mẹ m!
6
Wẹ rị a maye m; wẹ hụ a warị, e ke m nke, a chọ nị wẹ gbu m!
7
N'ị nị wẹ la mmaka, wẹ lẹ eje-ihiẹnni wẹ rị e mẹ?! Chuku, gi iwe titu ndị ahụn!
8
Y'a hụngụọ ẹkwan ile m rị a kwan; ị hụ e butọ ẹnya-mirin m imẹ ọgọ ị. Y'e detugụọ wẹ ile imẹ ẹkụkwọ ị.
9
Ndị-iṅẹnrẹn m k'a gbakin azụụn, ogẹn m'e gi kpọ ị. Ihiẹn m marịn wụ nị Chuku rị azụụn nke m.
10
Nkwa Chuku kwe kẹ m'a ja mma; Nkwa Osolobuẹ kwe kẹ m'a ja mma;
11
Chuku kẹ m gi dọn ẹnya; egun atụkọ m. Kị ịhịan k'a s'ẹka mẹ m?
12
M k'e mẹzu nkwa m kwe i, Chuku; m k'a chụnyen'i ẹjan-ekele,
13
makẹni y'a zụọpụhagụọ m ẹka ọnwụn, y'a nịnị m dan. Ya haịn m gi nwan rị e jẹnhunmẹ ihun Osolobuẹ, e nwọn ukpẹ ahụn wụ ndụn.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes