RUAC KUƆTH IN RƐL RƆ 1998
|
| 1 |
| Ɛ lɔcdu kɔ̱c kɛ ɣä lö Kuoth, kɛ ɣöö joc naath ɣä, kɛ cäŋ kɛɛliw la ji̱ tɛ̈r ɣä la yɔŋ. |
| 2 |
| Kä makɛ ɣä ji̱ tɛ̈rä kɛ cäŋ kɛɛliw, nyiëëny ji̱ liakä ti ŋuan kɛ ɣä. |
| 3 |
| Mi cä dual lö Kuoth Nhial, ɣän la la̱thä ŋa̱thdä kä ji̱. |
| 4 |
| Kä ji̱n Kuoth in liakä ruacdɛ kä ji̱n Kuoth in ŋa̱thä, ɣän /cä dual, kä ɛŋu mi dëë raan ɛ lät kä ɣä? |
| 5 |
| La kɛn rieetkä amɛŋ kɛ cäŋ kɛɛliw, Kä cärkiɛn diaal kɛ kui̱dä kɛ ti jiäk. |
| 6 |
| La kɛn rɔ̱ cua̱ duul, kä tɛ̱̈ɛ̱̈kɛ rɔ̱, kɛ ɣöö bikɛ lätkä guic, go̱rkɛn ni dhilä piny. |
| 7 |
| Ku kɛ tɔ̱ŋ lö Kuoth kɛ lät jiäkiɛn, ɣɔk nikɛ piny kɛ ŋɛ̈ɛ̈ny lö Kuoth! |
| 8 |
| Ji̱n ŋäci rikä, kä ŋäci pek in ci wiee kɛ ɣä, Ɛ /cikɛ ku te rɛy buɔkdu? |
| 9 |
| Mi wä ji̱ tɛ̈rä loc jɔk, kɛ cäŋ in bä cɔɔl ni ji̱kɛ luäk, kɛ jɛn duɔ̱ɔ̱p ɛmɔ ɣän bä jɛ ku ŋa̱c ɛn ɣöö te Kuoth kɛɛl kɛ ɣä. |
| 10 |
| Jɛn Kuoth in liakä ruacdɛ, jɛn Kuoth Nhial in liakä rieetkɛ. |
| 11 |
| Jɛn Kuoth in ŋa̱a̱thä ɣän /cä dual, kä ɛŋu mi dëë raan ɛ lät kä ɣä? |
| 12 |
| Ɣän bä ya̱cdä la̱t kɛ kui̱du lö Kuoth. Ɣän bä ji̱ la la̱rä tɛ̈th lɔaacdä ni ciaŋ. |
| 13 |
| Kɛ ɣöö ji̱n ci yiëëdä kän li̱th, kä ci ɣä pën ɣöö ba ɣä joc, Kɛ ɣöö ɣän bä kulɛ ja̱l nhiam Kuɔth rɛy buɔyä muun teekä. |
| Tɔ̱a̱w Notethni̱ |
https://beblia.bible:81/BibleAudio/nuer/psalms/056.mp3
150
56