Bukuit Ne Tilil 2020
|
| 1 |
| Rirena, ee Kamuktaindet, rirena; Amu mwechinin sobondanyu: Ee, amwechini uruetab kebebaiguk, Agoi kosiirto nyalilwogichu. |
| 2 |
| Arirjini Kamuktaindet ne Toror Mising’; Inendet Kamuktaindet ne isuldawa tuguk tugul. |
| 3 |
| Iyogu eng’ kipsengwet, kosorua, Ye renya ne machei kolugua; Iyogu Kamuktaindet rirenennyi ak imaninnyi. |
| 4 |
| Mitei sobondanyu kwenutab ng’etunyik; Arue kwenutab ichek che mitei mat, Agot werikab bik, che kelekwak ko ng’otwek ak kipchabonik, Ak ng’elyebwekwak ko rotok che ng’atiben. |
| 5 |
| Tororitu, ee Kamuktaindet, isiir kipsengwetisiek; Ingoeet teegistang’ung’ eng’ ng’ony komugul. |
| 6 |
| Kagoriich mestet si konam kelyekyuk; Kagong’uruk sobondanyu: Kagobal ichek keringet eng’ tainnyu; Kagororokyi icheget oloto. |
| 7 |
| Igiilotgei muguleldanyu, ee Kamuktaindet, igiilotgei muguleldanyu: Atieni, ee atieni kalosunoik. |
| 8 |
| Ng’eet, torornatennyu; ng’eet, kibugandet ak ketubet: Ang’eete ko kairir emet. |
| 9 |
| Aweegun kongoi, ee Kiptaiyat, eng’ kwenutab bik; Atienun kalosunoik eng’ kwenutab bororiosiek. |
| 10 |
| Amu o rireneng’ung’ agoi kipsengwetisiek, Ak itei imaning’ung’ barak. |
| 11 |
| Tororitu, ee Kamuktaindet, isiir kipsengwetisiek, Ingoeet teegistang’ung’ eng’ ng’ony komugul. |
| Save Notes |
https://beblia.bible:81/BibleAudio/kalenjin/psalms/057.mp3
150
57