أَتَّوْرَتْ دَ أَنَّبَاوَا 2020
|
| 1 |
| كُو مَاسُ مُلْكِ، كُنَ بَادَ عُمَرْنِنْ دَيَكٜىٰ دَيْدَيْ كُوَ؟ كُنَيِ وَ یَنْ أَدَمْ شَرِيعَ ثِكِنْ غَسْكِيَ؟ |
| 2 |
| سَمْ! كُو دَيْ، كُنَ ڧُلّٜىٰ ڧُلّٜىٰنْ مُغُنْتَا أَذُوثِيَارْكُ، عَيْكِنْ حَنُّوَنْكُ شِينٜىٰ تَادَ حَنْكَلِ عَدُونِيَا؞ |
| 3 |
| تُنْدَغَ ثِكِنْ ثِكِ، مُوغَيٜىٰ سُكٜىٰ بَرِنْ حَنْيَرْ غَسْكِيَ؞ تُنْ كَاڢِنْ رَانَرْ حَيْڢُوَرْسُ، مَاسُ ڧَضْيَا سُكٜىٰبِنْ نَاسُ حَنْيَرْ؞ |
| 4 |
| سُنَ ثِكٜىٰ دَ دَڢِ كَمَرْ نَمَثِظَيْ، سُكَنْ تُواْشٜىٰ كُنّٜىٰنْسُ كَمَرْ كُرْمَنْ مَثِيجِنَّنْ غُواْبٜىٰ دَنِيسَ، |
| 5 |
| كَمَرْ مَثِيظَنْ دَ بَاسَجِنْ مُرْيَ، مُرْيَرْ مَيْ وَسَ دَ مَثِيظَيْ، كُواْ كُمَ وَاڧَرْ ڠُونِنْ سِحِرِ؞ |
| 6 |
| يَا اللَّهْ ، كَكَّرْيَ هَڧُواْرَنْ دَسُكٜىٰ ثِذُواْ دَسُو! يَا يَهْوٜىٰهْ ، ثِثِّرٜىٰ هَڧُواْرَنْ ذَاكُواْكِنَّنْ مَاسُ ڧَرْڢِے! |
| 7 |
| بَرِ سُٻَثٜىٰ كَمَرْ يَدَّ ضُوَ يَكٜىٰ وُثٜىٰوَ دَ سَوْرِ، بَرِ عَتَتَّاكٜىٰسُ كَمَرْ ثِيَوَ عَكَنْ حَنْيَ؞ |
| 8 |
| بَرِ سُذَمَ كَمَرْ كُواْطِنْ دَ يَكَنْ نَرْكٜىٰ يَذَمَ يَوْڧِ، بَرِ سُذَمَ كَمَرْ جَرِرِنْ دَ أَنْحَيْڢٜىٰشِ مَتَثّٜىٰ، كَمَرْ جَرِرِنْ دَ بَيْغَ حَصْكٜىٰنْ رَانَبَ؞ |
| 9 |
| كَاڢِنْ تُݣُونٜىٰنْسُ سُجِ ذَاڢِنْ وُتَرْ إِتَاثٜىٰ، كُواْ إِتَاثٜىٰنْ سُنَ طَنْيٜىٰ كُواْ سُنْ بُوشٜىٰ، اللَّهْ ذَيْ كَوَرْدَ مُوغَيٜىٰنْ كَمَرْ إِسْكَرْ غُوغُوَ؞ |
| 10 |
| مَاسُ أَدَلْثِے ذَاسُيِ ڢَضٍ ثِكِ سَعَدَّ سُكَغَ أَنَ رَامُوَا عَكَنْ مَاسُ مُغُنْتَا، سَعَدَّ سُكَ وَنْكٜىٰ ڧَڢَاڢُنْسُ ثِكِنْ جِنِنْ مُوغَيٜىٰ؞ |
| 11 |
| سَعَنً مُتَنٜىٰ ذَاسُثٜىٰ، «لَلَّيْ، أَݣَويْ لَادَ غَ مَاسُ أَدَلْثِے، حَڧِيڧَ، أَݣَويْ اللَّهْ وَنْدَ ذَيْ شَرْعَنْتَ دُونِيَا؞» |
| Adana Bayanan kula |
https://beblia.bible:81/BibleAudio/hausaar/psalms/058.mp3
150
58