Fɔs Oli Baybul 2013
|
| 1 |
| Una we de rul, una shɔ se una de du di rayt tin? Una de jɔj mɔtalman dɛn fia wan ɛ? |
| 2 |
| Na lay, una kin dɔn mekɔp fɔ gi rayt to udat rɔŋ ɛn rɔŋ to udat rayt ɛn na bay fɛt fɛt una de du am. |
| 3 |
| Pipul dɛn we de du bad, dɔn bɔn bad; na frɔm we dɛn de na dɛn mami bɛlɛ nain dɛn kin dɔn bad. Dɛn wewɔd ɛn na soso lay ful dɛn mɔt. |
| 4 |
| Dɛn trik na lɛk pɔyzin lɛkɛ di kayn pɔyzin we boman gɛt ɛn na so dɛn nɔ de yɛri wan wɔd lɛkɛ aw snek kin kɔk in yes |
| 5 |
| we i nɔ wan yɛri dɛn majikman we kin de mek se dɛn de kɔl snek. I lɛk aw i sabi, i go de kɔl ɔ siŋ te i taya. |
| 6 |
| PAPA GƆD, duya brok brok dɛn wan we de mek lɛk layɔn dɛn tit ɛn pul dɛn kɔmɔt na dɛn mɔt. |
| 7 |
| Lɛ dɛn lɔs lɛkɛ aw wata kin lɔs na dray grɔn, dɛn nɔ ebul fɔ shut dɛn aro; |
| 8 |
| lɛ dɛn dray lɛk aw snel de dray ɔ lɛ dɛn fiba pikin we dɔn day bifo i bɔn ɛn nɔ si san sɛf. |
| 9 |
| Bifo dɛn de mekɔp, PAPA GƆD kin dɔn brok dɛn fɛda dɔŋ. Dɛn layf kin tan lɛk dray gras we briz blo go fawe. |
| 10 |
| Dɛn wan we de du wetin yu want go gladi bad we PAPA GƆD fɛt fɔ dɛn; wɛn dɛnsɛf go ebul tek di bad man in blɔd fɔ was dɛn fut. |
| 11 |
| Dat tɛm de ɔlman go se “fɔ tru PAPA GƆD na PAPA GƆD we de du tin tret wan, ɛn i de jɔj fia wan.” |
| Sev Notis dɛn |
https://beblia.bible:81/BibleAudio/krio/psalms/058.mp3
150
58