×

Ziazia Kekeapai 1978

Atambuahe 58

1
Oni nga airanyaka, oni naruga gu pai dũ nzunzu? Oni naasapa ngbanga fu awiri aboro ni ruru he?
2
Ai, oni nasanga gbegberẽapai kpotoroni yo; oni namanga pa zuu ni beroni auru kpotosende no.
3
Gbegberẽ aboro angbuo angbuo ti rago kura yo rukumbu yo, ni gu rago i nibatika yo i ki ingi ni ba sa, nigumba zire.
4
Kere ngua be yo du wa ga wo, i wa gu kpokporokusu nakisa turu agia nga pai ya,
5
agia nga fugo gu boro nazia ru ni birĩ ya, ka gani birĩ vura du na tatamana vurũ.
6
Ako Mbori, mo kúadi rindiyo ngbayo yo; Ako Yekova, mo mófo gburuka paranga abahu ku sa yo!
7
I záraga wa gu ime nafu afu suwe; ho ko nabafa gako asiida ni, i nidu wa i du ni dewedewe yo.
8
I dú wa duru nasuka sureru ka u anye nga ya, wa agba gude niti vuru de yo ata bi nga uru ya.
9
Mbata we tii akiwe nikada ti gaoni pere we yo, ko adía ha ku sa yo iwo ho na gbitiri he a!
10
Ruru boro angí ho ni ka bi pa irabape ni; ni azúnda nduni rogo kure gbegberẽ boro.
11
Si du aboro ka ya ti ni, “Mosoro du ho tipa ruru boro ni rengo; Mbori du ho ni rengo nasapa ngbanga zegino.”
Zande Bible 1978
La Sainte Bible en Zande Alliance Biblique Universelle, 1978
:
Save Notes