1
Ako gi Mbori, mo bátasi re be avurare, mo túmba re ku ari be agu yo namo kuti re.
2
Mo bátasi re be amangi irairapai, ki nibatasi re be abaimiaboro.
3
Mo ngére, bambiko i namaa rago tipa mbisimore; airaome nadungura tiyo kuti re. Ako Yekova, bambiko gi samungu te, na gi ingapai a te,
4
i naora ki nitangara tiyo wa adu nga irairapai ku ri re ya. Mo gúari tie, ka unda re, mo bí he!
5
Ako kina ro, Yekova Mbori nga ga arimbasa ko, nga ga aYisaraere Mbori. Mo zíngi ka mbusa arikaaboro dunduko; ka mo niíni nga pai fu agu airabiriki nasanga berã pa gbegberẽpai ya.
6
I naakaraga tiyo na nyemu i napaa apaa wa aango napaa, ki ke pati bakporo kirikiri.
7
Kina yo du yo ni i afu ni ni ngbayo buza, abaasape du ngbayo yo― bambiko ya yo wẽ, “Da nikagia pa rani?”
8
Ako Yekova, ono mo namoma yo; mo namaa arikaaboro dunduko i du adu bamongo.
9
Ako gi Ome, mi asúnguda ro; Ako Mbori, bambiko mo nga gi sosono kirikiri gbata.
10
Gi Mbori agbía re na gako weneringise; Gi Mbori aída ha fere mi bi diasima ku ri avurare.
11
Ka mo ími nga yo ya, payo ka go ti gimi aboro; mo gbándaka yo ni ga ngarã, ki payasi yo, Ako Gbia nga gaani vurakube!
12
Bambiko gu ingapai du ngbayo, na agu apai du ngbayo yo, i zí yo azia rogo gayo enda. Bambiko gu motiwa na gu zire i naagumba,
13
mo nyási yo ni ga erẽ, mo nyási yo, daho i ka anye nga ni berewe ya, aboro ini he ya Mbori nazoga Yakoba dati digida kpotosende.
14
I naakaraga tiyo na nyemu, i napaa apaa wa aango napaa, ki nike pati bakporo kirikiri.
15
I nagbandaka ku bani na ku bani tipa riahe, ka i ambi nga ya, i ki nye yo yuru sasasa.
16
Ono mi abí bia pa ga ome, mi abí bia ni wawa tipa ga weneringise na awiso. Bambiko mo adu ni gi sosono kirikiri gbata, ni bagbuko rago gi fudifudipai.
17
Ako gi Ome, mi abí bia atambuahe foro, Ako Mbori, bambiko mo nga gi sosono kirikiri gbata, nga Mbori nayugo weneringise fere.
Zande Bible 1978
La Sainte Bible en Zande Alliance Biblique Universelle, 1978