×

Naawuni Kundi Kasi 2011

Yila 6

1
Yawɛ, di kpahi n zuɣu ni a suhuyiɣisili puuni. A mi di saɣisi ma a suhuyiɣisili saha!
2
Yawɛ, n tarigimi, zom’ ma nambɔɣu. Yawɛ, n kɔba ni zaa chɔɣisimi dabiɛm zuɣu, tibimi ma.
3
Dabiɛm gbaai ma pam. Yawɛ, bɔ saha ka n ni guhiri shɛm yɛn zan’ tariga?
4
Yawɛ, ŋmaligim’ na tiligi ma; fam’ ma bahi a yurilim din galisi la zuɣu.
5
Dama nir’ yi kpi, o ku lan teeg’ a yɛla; ka ŋuni n-ni tooi paɣ’ a gballi ni?
6
Nandahima zuɣu chɛ ka n tarigimi; nintam kul mahigirila m bindoo yuŋ kam; ka n nintam maa chɛ ka n difiɛli kul mahigi gbati.
7
N nina fulimmi n nandahima zuɣu, n dimnim’ chɛ ka di niŋla liti.
8
Yinim’ bɛn zaa nyɛ tuumbiɛrinim’ ŋɔ, Zomiya n sani! dama Yawɛ wum n kumsi maa;
9
Yawɛ wum n ni suh’ o bɔri shɛli maa. Yawɛ ni deei n suhigu.
10
N dimnim’ zaa ni di vi, ka dabiɛm gbahi ba pam; di ku yuui ka bɛ di vi maa, ka ŋmaligi zo.
Dagbani Bible 2011
Red Letter Dagbani Bible Society of Ghana, 2011
:
Save Notes