Mara Bible BSI 2023
|
| 1 |
| Hy Khazohpa, miah thy ha chi ta, Miah na papyu haw; Na hie cha pahâh ha pi ta, Miah paduapathi heih mah y. |
| 2 |
| Râh he pasihsa chi ta, Na hriechheih khai ha hih; A chalyu ngâ kaw ta, A pyunazy taopathi mah y. |
| 3 |
| Na phopi he hmo rupazy pahmôsa chi ta, Kresawhti miah pado chi ta, Paochheichhâpa ta miah na tao haw. |
| 4 |
| Nâma châ chituhpazy châta pohraipa parai chi ta, Libaw tawhta amâ râ nawpa na taopa ei. |
| 5 |
| Chatanachata na kyhpachâpazy cha pabohsapa ta eima y aw; Na ku chachâh lâta miah pachha la, Miah a chhy mah y! |
| 6 |
| Khazohpa ta a su pathaihpa tawhta hetana heta a tah: “Thaphapa ta Sekhe khihpi pachhaih aw na ta, Sukô Saikao ei rairuah aw. |
| 7 |
| Kilia cha kei eih châ ta, Manase chhao kei eih a châ; Epharai cha ei lakhu châ ta, Zudâh cha ei ryureina chôchahrei a châ. |
| 8 |
| Môabâ cha ei ku asina rahô châ ta, Edômâ cha ei pheiky sona a châ; Philistia chô liata pahniena hladyuh ei pathluah.” |
| 9 |
| Ahy ma thokhy khihpi lâ nâ chhi aw? Ahy ma Edômâ lâ nâ chhihtha aw? |
| 10 |
| Hy Khazohpa, miah dytha ha va chi ma? Hy Khazohpa, eima pheisaihzy hnohta na sie khao vei he zaw. |
| 11 |
| Khakhaipazy a dyuh awpa ta miah bao mah y, Chyhsapa pachhana cha hraoleipa a châ. |
| 12 |
| Khazohpa chhaota riahphapa ta a dyuh aw pi ta, Ano tlai ta eima chariahpazy a tlypâ aw. |
| Save Notes |
https://beblia.bible:81/BibleAudio/chinbsi/psalms/060.mp3
150
60