Ika Bible 2018
|
| 1 |
| Chuku, y'a jụtọgụọ ẹnyi; y'e tikpọgụọ ihiẹn ile ẹnyi gi e che enwẹn ẹnyi nche; ị rị e buni ẹnyi olulu; dodo, mẹ nwan n'ọ rịzịnị ẹnyi mma. |
| 2 |
| Y'e zinzingụọ alị ẹnyi; y'e tiwagụọ a; dodo, dọnzi nwan ebe gbawasọnmẹni, n'ọ rị nwan e mẹhunmẹ! |
| 3 |
| Y'e mẹgụọ ndị nke i hụnjun ẹnya; y'e yegụọ ẹnyi ọnụma ị ra kẹ manya, ọ hụ e mẹ ẹnyi a dan ẹgẹlẹgẹ. |
| 4 |
| Kanị y'a ghọsịgụọ ndị a tụ egun i ahịma w'e gi dọn ẹnya. |
| 5 |
| Kẹni ndị i bu obi s'ẹka wanahịn; dodo, gi ẹka-ihiẹn i zụọpụha ẹnyi, za ẹnyi. |
| 6 |
| Chuku e kugụọ a imẹ Ụlọ-nsọ a, sị, “M k'e mẹri wẹ weri: e keni m ụnụ Shẹkẹm lẹ Ọdanmgbugbu Sukọtụ; |
| 7 |
| ẹgbẹrẹ Gilẹdị wụzị nke m; alị ebọn Manasẹ wụzịkwọ nke m; alị ndị Ifrem wụdẹ okpu-agha m; ndị Juda wụ ọkpọ-ọkịkị rị m ẹka! |
| 8 |
| Mụabụ wụhụ afẹrẹ m gi a kwọ ẹka; Ẹdọm wụ ebe m'a gbụtọ akpụkụ m; m k'e mẹrizikwọ alị ndị Filistia, yi oro mmẹri ẹ!” |
| 9 |
| Onyẹ k'e weban m imẹ obodo hụ wẹ tụnhunmẹ mgbọn? Onyẹ wejẹnkọ m d'e mẹri Ẹdọm? |
| 10 |
| Chuku, y'a jụtọgụọnị ẹnyi? Y'a ra sọnzi ndị-agha ẹnyi jẹn agha! |
| 11 |
| Dodo, yeni ẹnyi ẹka lụsọn ndị-iṅẹnrẹn, makẹni ịhịan asakọ ẹka zụọpụha ẹnyi! |
| 12 |
| Ebe Osolobuẹ nọyeni ẹnyi, ẹnyi k'e mẹ okẹn ihiẹn, makẹni ịya k'a zọgbu ndị-iṅẹnrẹn ẹnyi. |
| Save Notes |
https://beblia.bible:81/BibleAudio/ika/psalms/060.mp3
150
60