×

Fɔs Oli Baybul 2013

Sam 61

1
PAPA GƆD duya yɛri mi; lisin we a de pre to yu.
2
Mi at pwɛl bɔt a stil de pre to yu, pan ɔl we a de fawe; Tek mi go usay yu de kɔba mi
3
Na yu a de go to fɔ fil sef yu na lɛk tawa we ay oba mi fɔ kɔba mi mek mi ɛnimi dɛn nɔ si mi.
4
A want fɔ de usay yu de na Jerusɛlɛm sote go ɛn ayd lɛk fɔl we de ɔnda in mama in fɛda, so i de fil sef.
5
PAPA GƆD yu dɔn yɛri wetin a bin prɔmis yu, yu dɔn gi wetin yu bin prɔmis to ɔl udat de fred ɛn rɛspɛkt yu.
6
Mek di Kiŋ gɛt lɔŋ layf ɛn mek in jɛnareshɔn dɛn kɔntinyu fɔ rul sote go.
7
Lɛ i bi Kiŋ sote go ɛn lɛ PAPA GƆD kɔba am ɛn blɛs am; Lɛ di fakt dat yu tru ɛn gɛt lɔv we nɔ de chenj de wit am fɔ kɔba am.
8
Dɛn a go siŋ ɛn prez yu sote go ɛn mek sho se a du wetin a dɔn prɔmis ɛvride.
Krio Bible 2013
Krio Bible The Bible Society of Sierra Leone, 2013
:
Sev Notis dɛn