×

WÄNYI KWËRØ 2011

Wör 62

1
Yɑ yïd-ɑ Jwøk, yɑ okudø, mɑ́ e kete ɑ óyiel yɑn.
2
E kete ɑ korri yɑn, yɑ óyiele, en ɑ nyi cwɑg yɑn o yɑ koo tyɑm kinni tek.
3
Wu gït-ɑ wɑɑng wu cyedd-ɑ dhɑnhø me ni dörø me pɑ̈ɑ̈dhø?
4
Wu dwɑdd-ɑ cøørii piny kì kej dhwɑ̈nge, wu mɑɑr-ɑ pyed, wu kømm-ɑ gyëdh ki dhøggi wun, de wu lɑmm-ɑ cyën ki pëthi wun.
5
Yɑ yïd-ɑ Jwøk yɑ okudø mɑ́ e kete ɑ ngɑ̈dhɑ.
6
E kete ɑ korri yɑn, yɑ óyiele en ɑ nyi cwɑg yɑn, o yɑ koo tyɑm kinni tek.
7
Yɑ óyiel-ɑ yi Jwøk, dhwɑ̈ngɑ nyi kɑ̈ɑ̈l-ɑ yïe, en ɑ nyi korri yɑn kidøøj, en ɑ yïe nyi yömmɑ.
8
Gɑ̈nnu Jwøk yethi cyɑ̈ng, wun ɑ teedø. Kïdhu rɑjji wun bënn bøle, mɑ́ en ɑ yïe nyi yömmi.
9
Dhɑnhø bëne nɑ kudhø ki yømø, møg-ɑ døngø ki møg-ɑ thønhø, pɑ̈r bënn. Ke røm gen ki rumi, ge yööd kibøli kudhø ki yømø.
10
Wu ko gɑ̈nni tegi wun, wu ko ngɑ̈dh kɑ̈b, pëthi wun ko cïb wun kömi kɑ̈rì cɑgg ge ngenyø ni ngø.
11
Jwøk ɑ́lïngɑ e okööbø tyel mø gïïr kinni, tegø bɑ mee,
12
o mɑ̈ɑ̈dø mee bong cöge. Men-ɑ́ yïn kirií, yïn ɑ Jwøng-ɑ Ácwɑ̈ɑ̈j, dhɑnhø bëne nyi mëggí köggi gwøge ceth.
Shilluk Bible 2011
Shilluk DC Bible Bible Society in South Sudan, 2011
:
Save Notes