×

أَتَّوْرَتْ دَ أَنَّبَاوَا 2020

Zabura 63

1
يَا اللَّهْ ، كَيْنٜىٰ اللَّهْ نَا، دَنَاثٜىٰوَ نَنٜىٰمٜىٰكَ؞ رَيْنَ يَنَ مَرْمَرِنْكَ، جِكِينَ يَنَ جِنْ ڧِشِنْكَ كَمَرْ ڧَسَرْدَ تَبُوشٜىٰ، بَا كُواْمٜىٰ، بَا ضُوَ؞
2
عِ، ذَنْ‌غَنْكَ أَ وُرِنْ ذَمَنْكَ مَيْ ڟَرْكِے، إِنْكُمَ دُوبِے إِيكُوانْكَ دَ طَوْكَكَرْكَ؞
3
دَرَجَرْ ڧَوْنَرْكَ مَرَرْ ثَنْجَاوَا تَڢِے مِنِ رَيْ عَدُونِيَا، سَبُواْدَ حَكَ بَاكِنَ ذَيْ يَبٜىٰكَ؞
4
ذَنْ يَبٜىٰكَ دُكَنْ ݣُونَكِنْ رَيْنَ، عَثِكِنْ سُونَنْكَ ذَنْ طَغَ حَنُّوَنَ إِنَ أَدُّعَ؞
5
رَيْنَ ذَيْ ڧُواْشِ دَكَيْ كَمَرْ دَ عَبِنْثِ مَڢِے ݣَوْ، بَاكِنَ ذَيْ يَبٜىٰكَ دَ وَاڧُواْڧِنْ ڢَضٍ ثِكِ؞
6
يَايِنْ دَ نَكٜىٰ ݣُونْثٜىٰ أَغَدُواْنَ، إِنَ تُنَانِنْكَ، دُكَنْ دَرٜىٰ إِنَ تَتُنَاوَ دَكَيْ،
7
غَمَا كَيْنٜىٰ مَيْ تَيْمَكُواْنَ؞ عَثِكِنْ إِنُوَرْ ڢِكَڢِكَنْكَ إِنَ رٜىٰرَ وَاڧَرْ ڢَضٍ ثِكِ؞
8
رَيْنَ يَمَنّٜىٰ مَكَ، حَنُّنْ دَامَنْكَ يَنَ رِڧٜىٰ دَنِے؞
9
وَطَنْدَ سُكٜىٰ نٜىٰمَ سُهَلَّكَ رَيْنَ، ذَاسُ غَنْ‌غَرَ ذُوَا وُرِنْ ذَمَنْ مَتَتُّو؞
10
ذَاعَكَكَّشٜىٰسُ دَ تَكُواْبِے، كَرْنُكَنْ دَاجِ ذَاسُثِنْيٜىٰسُ؞
11
عَمَّا سَرْكِے ذَيْ يِڢَضٍ ثِكِ ثِكِنْ اللَّهْ ؞ دُكَنْ مَاسُ ضَنْڟُوَارْ غَسْكِيَ دَ سُونَنْ اللَّهْ ذَاسُيِ مُرْنَ، عَمَّا ذَاعَ رُڢٜىٰ بَكُنَنْ مَاسُ ڧَضْيَا؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula