×

Ika Bible 2018

Ẹbụ-ọma 63

1
Osolobuẹ, ịyụ wụ Chuku m; m rị a chọ ị. Ẹgụn ị rị a gụn m rịkẹ mirin, ẹgụn ị rị a gụn ẹhụ m rịkẹ onyẹ rị alị ọkpọ-nkụn hụnlẹni mirin ra!
2
A hụnọlẹ m'i imẹ Ụlọ-nsọ ị, hụn ikẹn i lẹ ọghọ ị.
3
Makẹni ihiẹn-ọsụsụọ ị ka mma karị ndụn lẹ enwẹn ẹ, ọnụ m k'a ja ị mma.
4
M k'a gha a ja ị mma ọrọgbọ ndụn m ile; a kịshin'i ẹka elu, a kpọku ẹfan ị.
5
Ẹfọ k'e jun m kẹ ihiẹn-oriri dọn e jun ẹfọ; ẹbụ-ịghọghọ m gi a ja ị mma k'e jun m ọnụ,
6
M'a nyanhan ị ebe m dinẹ, e ro i eki e we fọn.
7
Makẹni ịyụ wụ onyẹ e yeni m ẹka; m'a nọ okpuru nku i a bụ ẹbụ ịghọghọ.
8
Azụụn ị kẹ m'e zueri; ẹka-nni i e kwọndọn m.
9
Ndị hụn rị a chọ isi m k'a la mmọn imẹ-alị imẹ-alị!
10
Wẹ k'e kpọn wẹ ye ndị k'e gi ọpịa-agha gbu wẹ; ufu k'e ri wẹ.
11
Kanị eze k'e gi ihiẹn Chuku mẹ ghọghọ; ndị ile gi ẹfan Osolobuẹ dọn ẹnya k'a dụ ẹka obi, ọnụ ile a tụ ntụ e kpuru.
Ika Bible 2018
2018, Mission for Language Translation/Ika Bible Translation Committee. 2018, Wycliffe Bible Translators, Inc
:
Save Notes