×

WẼNNAAM SEBRE 2014

Yɩɩla 63

1
A Davɩɩd yɩɩlle, a sẽn wa n be Zʋʋda we-raoogẽ wã.
2
Wẽnnaam, yãmb yaa mam Wẽnnaam, mam baooda yãmba. Yãmb ko-yũud tara maam, mam sesd n data yãmba, wa m sẽn be tẽn-koɛɛngẽ, tɩ koom kaẽ ye.
3
Ade, mam geta yãmb y zĩ-sõngẽ wã, n dat n yãnd yãmb pãngã ne y ziirã.
4
Bala, yãmb nonglmã sõmblem yɩɩda vɩɩm. Mam noor na n pẽga yãmba.
5
Woto, mam na n waooga yãmb m vɩɩmã tɛka, mam na n zẽka m nus n pẽg yãmb yʋʋrã.
6
Mam na n tɩga wa ned sẽn dɩ rɩ-kaam ne sɩɩlem n tɩge. Mam na n kaasa ne sũ-noogo, la m noor na n pẽga yãmba.
7
Mam sã n tẽeg yãmb yell m gãagẽ, mam tagsda yãmb yell yʋngã tõre.
8
Bala, yãmb yaa mam sõangda, la mam kaasa ne sũ-noog yãmb pɩgsã tẽngre.
9
Mam yam loee ne yãmba. Yãmb nug-rɩtg tebendeda maam.
10
La neb nins sẽn baood n kẽes maam namsg pʋgẽ wã na n siga tãnd tẽngre.
11
B na n bas-b lame tɩ zabr sʋʋg kʋ-ba, la b na n yɩɩ we-baas rɩɩbo.
12
La rĩmã na n maana sũ-noog ne Wẽnnaam. Ned ning sẽn wẽend-a ne bãmb na n paama sũ-noogo, bala, zĩrẽ-be-nebã noy na n mumame.
Mossi MPBU 2014
Moore Bible Bible Society of Burkina Faso, 2014
:
Save Notes