×

NTETO INJEGA CIA 2018

Ngieosio 63

1
Itû Mûrungu, gwe nîgwe Mûrungu waakwa; nîgwe nyoontagîra. Nkwirîragîîria o ta ûrîa muntû airiragîîria kûnyua rûûjî rîrîa anyoonti arî rwanda.
2
Naani nî nkwoneete ûrî kîûrûûne gîaaku, na nî mboneete inya yaaku na mwago jwaaku.
3
Kîaao gîaaku kîrîa gîtîthiraga nîkîo kîrî bata nkûrûki ya mwoyo. Tontû bûû, ngaagûkumagia.
4
Ngaagûkumagia ûtûûroone bwaakwa bunthe na ngaakûthaathayia.
5
Ni nkaang'anîrwa ta muntû ûrîte biakûrîa bibithongi kîathoone, na mbinage ngwîrîîtue ngîgûkumagia.
6
Nthûgaanagia bwaaku mami, ngaakûririkana ûtukû maindûkîra;
7
Nîgwe ûtwîre ûrî ûteethio bwaakwa, nkainaga ngwîrîîtue ndî ûkarieene bwaaku.
8
Mwoyo jwaakwa jwigwatagîîra kîrî gwe na njara yaaku ya ûrîo îgantiira.
9
Barîa beendaga kûmbûraga baronyua nthî bakarima.
10
Barothirîrua ndweene, barorîîwa nî mbiti ng'aauu.
11
Mûnene akaagwîrua nîûntû bwa Mûrungu kûmwaa ûûmbani; barîa bonthe beekaga wîrane bagîkîraga Mûrungu bagaakena, îndî barîa baaragia ûrongo batîona bwa kuuga.
Songe Bible 2018
KIMERU BIBLE WITH DC Bible Society of Kenya, 2009, 2018
:
Save Notes