Ekitabo Erikwera 2008
|
| 1 |
| Ai Ruhanga, hurira okutonzya kwangye, onkize ogu muzigu orikuntiinisa. |
| 2 |
| Onsherekye ababi n'enaama zaabo, ekyo kimbuuro ky'enkozi z'ebibi. |
| 3 |
| Abarikutyaza endimi zaabo nka rurara, bakatamika emyambi yaabo ebigambo ebirikushaarira, |
| 4 |
| ngu babone kurasha ori mwere bamugwereire, barahukye kumurasha batamuraarikire. |
| 5 |
| Bagumyana bari omu naama mbi, bahanuura ei baraategye emitego yaabo, bagumize bati: Oraatureebe n'oha? |
| 6 |
| N'oha oraabaase kucondooza enaama zaitu? Mbwenu n'oha? N'ogwo ocondooza ebiteekateeko ebiri hare omu mutima. |
| 7 |
| Ruhanga aryabarasha n'omwambi gwe, abahutaaze atabaraarikire, |
| 8 |
| abahwerekyereze naabatura orurimi rwabo; haza boona abaribareeba babahe mutinzi. |
| 9 |
| Obwo nibwo abantu boona baritiina, bakabuzya eki Ruhanga akozire, bakeetegyereza n'ekikimukoreise. |
| 10 |
| Weena ohikiriire aryashemerererwa omuri Nyakubaho, amugire obwegamo bwe; haza ab'emitima y'amazima beesiime. |
| Save Notes |
https://beblia.bible:81/BibleAudio/nyankole/psalms/064.mp3
150
64