×

NTETO INJEGA CIA 2018

Ngieosio 64

1
Itû Mûrungu, igua ûrîa ngûkaya; mbonokia nî ngûkîra anthû.
2
Nkaragia kuuma nkirebeene cia barîa baaî, ûnkaragie kuuma kîrî kîrîndî gîkîthûûku.
3
Nteto irîa baaragia itemanaga ta nchiû, îrî ûrûrû ta mîgwî ya ûbai.
4
Bakabagîra barîa baagîru bakabaratha na biugo batî na ûguaa.
5
Bagwatanagîra bakabanga ûthûûku; bakauga ûrîa bagategia mîtego na witho, bakiugaga atî, “Gûtî we ûgaatwona.”
6
Babangaga ûthûûku bakiugaga, “Ûthûûku bûu twabanga bûtîmenyeka.” Nkoro ya muntû na mathûgaanio jaawe nî kîriga, gîtîmenyekaga.
7
Îndî Mûrungu akaabaratha na mîgwî abeekîre ngûma ntûtî.
8
Mûrungu akabathiria nîûntû bwa mantû jarîa baaragia rîrîa antû bonthe bakaaboonaga bakabatiimba.
9
Nabo antû bonthe bakaigua ûguaa; boona ûrîa Mûrungu athithîtie bakaathûgaanîria mantû jau mono.
10
Barîa baagîru bakaagwîrua nîûntû bwa MWATHANI na baiciithage kîrî we. Antû barîa baagîru nî bakumagie MWATHANI!
Songe Bible 2018
KIMERU BIBLE WITH DC Bible Society of Kenya, 2009, 2018
:
Save Notes