×

Ñanderuete Ñe’ẽ Porã 2015

65

1
Pe ñemomba’eguasu oikóva Siónpe ne mba’etee voi hína, Nde, ore Ruete, ha ndéve oñeme’ẽta ipromésa (ivóto).
2
Nde ningo rehendu pe ñembo’e, upévagui ne rendápe oupava’erã mayma yvyarigua,
3
ore rembiapo vai orejopyeterei ramo, Nde katu orejohéi ore rembiapo vaígui.
4
Ovy’aiteva’erã upe nde reiporavóva ha oñemoag̃uikuaáva ne rendápe, oiko hag̃ua nde korapýpe, nde rogaguasúpe, Nde oremoangapyhýta ndepy’a porãgui.
5
Nde orembohováita milágrope ha nde justícia rupi, Nde, ore Ruete, ore pytyvõhára opaite yvy apýra paha guive yguasu rembe’y mombyryvéva peve oĩha umi ojeroviáva nderehe.
6
Nde pu’aka rupi Nde remohendáma cerrokuéra hendaitépe, Ha’e ojeku’akua mbarete py’aguasúpe.
7
Nde remokirirĩkuaánte umi yguasu ryapu ha pe y pochy, ha upéicha avei tetãnguéra ayvu.
8
Upéicha rupi umi yvyarigua oikóva yvy apýra paha rupi okyhyje joa ohechávo ne rembiapo tuichaha. Nde rembohoryeteva’erã umi tetã kuarahyresẽ guive kuarahyreike peve.
9
Nde rehovasa ko yvy ape, rembohykue ha remyenyhẽ avei ko yvy hetaiterei temitỹnguéragui. Ñanderuete omyenyhẽ ysyrykuéra ýgui, ha nde rupi kogakuéra okakuaa porãite, Nde voi rembosako’i porãmba ichupekuéra.
10
Nde rejo’o ijyvy ha upéi rembojoja jevy, ama rupi remohu’ũ ha rehovasapa iñemitỹnguéra (okakuaa porã hag̃ua).
11
Nde remyenyhẽ ko áño kóva nde poriahuvereko tuichágui, ha nde rape omondyky mba’eporãgui.
12
Hovyũmbáma umi kapi’ity ñu porã rehe ha yvyrakuéra ipoty porã cérro rehe.
13
Ovecha atýpe oñemyenyhẽ ñunguéra, ha pe kóga’a okakuaa porãva kokuépe; opurahéi joa ha vy’águi osapukái hikuái.
Guarani Bible 2015
Ñanderuete Ñe’ẽ Porã MISIÓN ALEMANA ENTRE LOS NATIVOS DEL PARAGUAY - HARALD FÜRSTENAU, 2015
:
Guardar notas