Ika Bible 2018
|
| 1 |
| Euu Chuku, ẹnyi k'a ja ị mma imẹ obodo Zayọnụ; ẹnyi k'e mẹzu nkwa ẹnyi kwe i; |
| 2 |
| euu ịyụ, hụn a za ekpere, ịyụ kẹ ịhịan ile a bịa d'e kunrun. |
| 3 |
| Njọ ẹnyi gbumẹ ẹnyi, y'a gbagharị ẹnyi agbagharị. |
| 4 |
| Onyẹ ị họrị buche ẹhụ ị n'o biri ezi-ọgwa ị e nwọnkẹkwọ ngọzi. Ẹnyi sikọ d'e ri ihiẹn rị mma rị Ụlọ-NSỌ ị rijun ẹfọ, ihiẹn rị mma hụn rị Ebẹhụ Rị Nsọ ị rị. |
| 5 |
| Chuku hụn a zụọpụhanị ẹnyi! Y'a rụnsọnmẹ ihiẹn bu ọda a tụ ẹnya i gi a ghọsị ẹnyi n'ị hụ a; ịyụ kẹ elu-ụwa ile rị e lee ẹnya, kẹ ndị rị nfetu ohimin tegbu enwẹn ẹ. |
| 6 |
| Ịyụ gi ikẹn i hi ogbe e dọnmẹ ugu ile ọnọdị wẹ; y'e nwọnkẹ ikẹn! |
| 7 |
| Ịyụ a kụsị okẹn-ụzụn ohimin, ụzụn hụn ẹbi ohimin rị a zụn; y'a kụsị mban alị ndị ọzọ rị a ban. |
| 8 |
| Egun hụ a tụ elu-ụwa ile, wẹ gha a hụn ihiẹn a tụ egun y'a rụn; y'e mẹ ụwa ile a ghọghọ kẹ ndị rị ebe anwụn n'a wa kẹ ndị rị ebe ọ n'a dan. |
| 9 |
| Y'e e lepụ akpak'alị ẹnya, e mẹ mirin e ru alị. Y'e mẹ mirin e jun ụzọ ile; e mẹ alị e mẹ ihiẹn; makẹni ẹrịra kẹ i mẹ n'ọ rị: |
| 10 |
| y'e mẹ mirin e zueye alị ugbo ọhụnma-ọhụnma, alị e dẹnhin; y'e gi mbụmbụ-mirin e mẹ alị a rị alụlụa, y'e mẹ ihiẹn ugbo e sue. |
| 11 |
| Y'e gi ihiẹn-ugbo e tu ahụa ugọn; y'e mẹ ihiẹn-ugbo e jundẹ ọkpụzọ ile; |
| 12 |
| ẹfịfịa e rujundẹ ebe anụ nọ a kpa nni imẹ atụ alị-ọkpọnkụn; elu òke ile hụzị a ghọghọ nị ẹfịfịa e jun wẹ, |
| 13 |
| atụnrụn e jun ebe ile anụ nọ a kpa nni; ọka e jun ugbo ndị rị ọdanmgbugbu, ọfịa anụ nọ a kpa nni lẹ ọdanmgbugbu hụ a ghọghọ, a bụ ẹbụ! |
| Save Notes |
https://beblia.bible:81/BibleAudio/ika/psalms/065.mp3
150
65