|
| 1 |
|
| Leilô zydua saih u, Khazohpa lâ thaphapa ta awh u la, |
|
| 2 |
|
| A moh rônahna hla sapa ta, Reithaina rônahpa hlâ teh u. |
|
| 3 |
|
| Khazohpa hnohta, “Na hmotaopazy noâh a chhih ta, Na hmotaotheina a rônah kaw dia! Chavâta na chariahpazy a bôhpa ta nâ lâ amâ vy. |
|
| 4 |
|
| Khizaw zydua nâ lâ a bôhpa ta, Nâ reithaina hla sa ei ta, Na moh reithaipa ta ama sa,” tah muh vy. |
|
| 5 |
|
| A vy u la, Khazohpa hmotaopazy he moh teh u: Chyhsa sawzy chô liata a hmotaopa he, Noâh â chhih kaw dia! |
|
| 6 |
|
| Tilaipi cha alei hipa pachâsa ta, Phei ta vahpi ti ama chaka. Cha liata ano liata thaphapa ta eima y; |
|
| 7 |
|
| A thatlôna ta tlyzaw ta ryureih ta, A mo ta râhzy khâ a vaih tyh. Dyuhtuhpazy âmosasyh a cheihchalo khah ei sy. |
|
| 8 |
|
| Hy phopizy saih u, eima Khazohpa reithai u la, Ano reithaina pyu cha theipa ta y mawh sy. |
|
| 9 |
|
| Ano cha eima hrona a pabohsatuhpa châ ta, Eima phei a chapia awpa a pasaih leipa a châ. |
|
| 10 |
|
| Hy Khazohpa, miah pasia chi ta, Tâkâ pasiapa hawhta miah na pasia. |
|
| 11 |
|
| Sao lâta miah a chhi chi ta, Eima ky liata phaohri ngaitapa miah na pavi. |
|
| 12 |
|
| Eima luh chô liata chyhsazy pakiasa chi ta, Mei nata ti sie pahlie pi ta, Chatanachôta ativyna su lâ miah nâ chhi papua. |
|
| 13 |
|
| Raopa hlânazy chhaota na o liata a vaw ngia aw na ta, Ei bietaizy nâ liata ei patlô aw. |
|
| 14 |
|
| Ei hmao ta a vaw rei hapazy patlô aw na ta, Ei nôpo nota ei pakah ta bie â taihpazy ei patlô aw. |
|
| 15 |
|
| Sa thawhpazy ta raopa hlânazy cha hlâ aw na ta, Mietaku tôhpazy ta châ theihpa ta, Viahchao tôhpazy nata miezy ei cha hlâ aw. |
|
| 16 |
|
| Nâmo, Khazohpa a chipa zydua saih u, A vy u la, nathlie teh u; Ei hro châta a hmotaopazy ei cha chho aw ei. |
|
| 17 |
|
| Ei pakah ta ano cha pado na ta, Ei paleih ta ei palyupalih. |
|
| 18 |
|
| Ei palôh liata moleina ei pasô khiahta cha, Abeipa ta na nathlie aw vei. |
|
| 19 |
|
| Châhrasala Khazohpa ta na nathlie hmeiseih ta, Ei thlahchhâna ao a thei haw. |
|
| 20 |
|
| Ei thlahchhâna dytha leipa ta, Kyh eina pachâna a tleih beih leipa vâta, Khazohpa cha reithaipa ta y mawh sy! |
|
|
|
|