×

हिंदी बाइबिल

भजन संहिता 67

1
हे परमेस्सर, हम पइ करुणा करा, अउ हमका असीस द्या। आपन मुस्कुरात भवा चेहरा हमका दिखावा।
2
एह बरे समूचइ संसार तोहार रास्ता सीखइ सकी अउर हर कउनो मनई तोहार इ जान सकइ कि तू कइसा आपन लोगन क रच्छा करत ह।
3
हे परमेस्सर, लोग तोहार गुण गावइँ। सबहिं लोग तोहार बड़कई करइँ।
4
सबहिं रास्ट्र आनन्द मनावइँ अउ आनन्द मँ भरा होइँ। काहेकि तू लोगन क निआउ निस्पच्छ करत अहा। अउर हर रास्ट्र पइ तोहार सासन अहइ।
5
हे परमेस्सर, लोग तोहार गुण गावइँ। सबहिं लोग तोहार बड़कई करइँ।
6
हमार भुइयाँ हमका भरपूर फसल देइ। परमेस्सर, हे हमरे परमेस्सर हमका असीस द्या।
7
हे परमेस्सर, हमका असीस द्या धरती क सबहिं लोग परमेस्सर स डेराइँ, ओकर आदर करइँ।
Awadhi Bible 2005
Easy-to-Read Version 2005 World Bible Translation Center
:
नोट्स सहेजें