×

Ekitabo Erikwera 2008

Zaaburi 67

1
Ruhanga atugirire embabazi, atuhe omugisha, kandi atushemuukize amaisho ge!
2
Nibwo ensi eraamanye emitwarize ye, n'amahanga goona gakamanya ku aine amaani g'okujuna.
3
Ai Ruhanga, amahanga ka gakuhimbise, amahanga goona ka gakuhimbise!
4
Amahanga ka geesiime, geeshongore gashemereirwe, ahabw'okuba ocwera abantu emanja omu bwinganisa, ohabura amahanga g'omu nsi.
5
Ai Ruhanga, amahanga ka gakuhimbise, amahanga goona ka gakuhimbise!
6
Ensi egizire omweru; Ruhanga, Ruhanga waitu, atuhaire omugisha.
7
Ruhanga atuhaire omugisha; k'ab'omu nsi yoona bamutiine!
Nyankole Bible 2008
The Bible with Apocrypha in Runyankore-Rukiga, new revised joint translation The Bible Society of Uganda, 2008
:
Save Notes