×

NTETO INJEGA CIA 2018

Ngieosio 67

1
Mûrungu arotwigîîrua kîaao agatûtharima; arotwonia mawega jaawe.
2
Wendi bwaaku bûromenyeka nthîgûrû yonthe, na antû ba mîgongo yonthe bakamenya wonokio bwaaku.
3
Ûrokumagua nî antû gwe Mûrungu; antû bonthe barokûgongaga.
4
Antû ba mîgongo nî bakwinagîre bagwîrîtue; nîûntû ûgiitanagîra magamba na îota ûtongagîîria nthîgûrû cionthe.
5
Ûrokumagua nî antû gwe Mûrungu; antû bonthe barokûgongaga.
6
Nthîgûrû îrî na maketha jamaingî, MWATHANI, Mûrungu weetû, nî atûtharimîte.
7
Mûrungu nî atûtharimîte; arothaathagua nî antû bonthe.
Songe Bible 2018
KIMERU BIBLE WITH DC Bible Society of Kenya, 2009, 2018
:
Save Notes