×

Samarenyo Bible (1984)

Salmo 67

1
O Dyos, pagmaloloy-on manggad ha amon, imo unta kami pagpakaupayon. Tan-awa kami ha im' kamaloloy-on,
2
nga sabton han 'tanan imo kaburut-on. Tanan mga nasod unta mahibaro, han katalwasan nga natikang ha imo.
3
Magdayaw unta, O Dyos, an mga tawo, tanan nga katawhan magdayaw ha imo!
4
Maglipay na unta adton kanasoran, ngan magkaranta na nga may kalipayan. Kay matadong an paghukom mo han tanan, ngatanan nga nasod im' ginmamandoan.
5
Magdayaw unta, O Dyos, an mga tawo, tanan nga katawhan magdayaw ha imo.
6
Kay an katunaan nanmunga hin duro, naghatag hin abot, hin ani nga husto. An Dyos, nga aton Dyos naglipay ha aton,
7
an Dyos amo an ha aton nagbendisyon. Katawhan ha tanan dapit mag-uruyon pagyukbo ha iya hin matinahoron.
Waray Bible 1984
Baraan nga Biblia Philippine Bible Society, 1984
:
Save Notes