Nyɔhi ni tuɣiri chani shɛm la, karim’ ba ka bɛ chaŋ lala. Shigbaŋ ni miriti buɣim ka nyɛligiri shɛm la, chɛ ka ninvuɣ’ biɛri nyɛligi lala Naawuni tooni.
Yilimiya yila paɣi Naawuni, yilimiya wumpaɣibo yila paɣ’ o yuli; malimiya soli ti ŋuna ŋun be sagbana ni n-chani maa. O yuli n-nyɛ Yawɛ, maliya suhupiɛlli o sani!
Naawuni n-nyɛ ŋun tiri ninvuɣ’ shɛb’ bɛn ka kpɛhili shee yili; ka yihiri sarikanim’ mi kpɛhiri yolisim suhupiɛlli ni. Amaa duŋtaariba bɛn ni bela tiŋgban’ kuŋ ni.
bɔzuɣu ka nyini zo’ shɛli dim mali chunchuna ŋɔ lihiri Naawuni ni bɔri ni zo’ shɛli nyɛ o biɛhigu shee ŋɔ nyuli zabbu lihigu? Di nyɛla luɣ’ shɛli Yawɛ ni bɔri ni o be sahakam.
A du zoli din du pam zuɣu ka zaŋ daba pam mali chaŋ; ka deei pina niriba sani hal zaŋ tabili ninvuɣ’ shɛb’ bɛn nyɛ duŋtaariba bɛn je ni Yawɛ ŋun nyɛ Naawuni ŋɔ be nimaani la sani.
Kpahim’ mɔɣu ni biŋkɔb’ shɛb’ bɛn be gbiŋgbaŋ ni la zuɣu ni; ka kpahi zuliya kam naɣilahi mini bɛ naɣibihi la zuɣu ni. Nom’ taai ninvuɣ’ shɛb bɛn yu farigu deebu pam la. Wurimmi zuliya shɛb’ bɛn yuri tɔbu tuhibu yɛla pam la.