BIBULIYA ENTUKUVU
|
| 1 |
| Okukungubaga kwa Dawudi kwe yayimbira Omukama olwa Kuusi Omubenyamiini. |
| 2 |
| Ayi Mukama, Katonda wange, nzirukidde gy'oli; ntaasa bonna abanjigganya, omponye. |
| 3 |
| Kubanga bandintaagula ng'empologoma, ne banjuzaayuza awatali n'adduukirira. |
| 4 |
| Ayi Mukama, Katonda wange, oba ekyo nakikola, oba mu mikono gyange mulimu obutabeera mwenkanya, |
| 5 |
| Oba nakola mukwano gwange ekibi, oba omulabe wange namunyaga awatali nsonga, |
| 6 |
| kale omulabe ampondere ankwate; obulamu bwange abulinnyirire ku ttaka, n'ekitiibwa kyange akiziike mu nfuufu. |
| 7 |
| Situka, ayi Mukama, mu busungu bwo; situka olwanyise obuswandi bw'abalabe bange. Zuukuka, ayi Katonda wange, owe ennamula. |
| 8 |
| Olukuŋŋaana lw'abantu lukwebungulule; ng'oyima waggulu lukubirize. |
| 9 |
| Omukama alamula amawanga; nnamula, ayi Mukama, ng'osinziira ku butuukirivu bwange, ng'osinziira ku bulungi bwange, ayi Ali Waggulu Ddala. |
| 10 |
| Komya obwonoonefu bw'ababi; abatuukirivu bawe banywere, ayi Katonda omutuukirivu, ggwe awenja emitima n'emmeeme. |
| 11 |
| Engabo yange ye Mukama Ali Waggulu Ddala, oyo alokola ab'omutima omuluŋŋamu. |
| 12 |
| Katonda mulamuzi mutuukirivu; Katonda asunguwala buli kanaku. |
| 13 |
| Bw'ateenenya, ajja kuwagala ekitala kye, ajja kubwama aleege akasaale ke. |
| 14 |
| Ategese ebissi eby'akabenje; ategese obusaale bwe okuli ebitawuliro. |
| 15 |
| Mulabe, olubuto afuna lwa bugwenyufu, enda n'aba na ya bulwa, n'azaala bulimba. |
| 16 |
| Asima obuya, n'abuwuukuula, ate n'agwa mu bunnya yennyini bw'asimye. |
| 17 |
| Effujjo ly'akola lirimuddira ku mutwe gwe; emitawaana gye girikka mu kawompo ke. |
| 18 |
| Nze nzija kutenda Omukama olw'obutuukirivu bwe, nzija kuyimba erinnya ly'Omukama Ali Waggulu Ddala. |
| Save Notes |
https://beblia.bible:81/BibleAudio/lugandabibu1/psalms/007.mp3
150
7