|
| 1 |
|
| Kɛ thuɔ̱k Kuoth gɔaaɛ kɛ ji̱ I-thɛ-rɛl, gɔaaɛ kɛ nɛy tin buɔy lo̱ckiɛn. |
|
| 2 |
|
| Duundɛ ɣöö ɣän, ci ŋa̱thdä gul thil, ci ŋa̱thdä gul cak thuɔ̱k. |
|
| 3 |
|
| Cua̱ tekɛ tiɛɛl kɛ ji̱ liakä mëë cä nɛy ti ji̱ nyuɔɔni nɛn gɔw ŋɔakiɛn. |
|
| 4 |
|
| Kɛ ɣöö thilɛ kɛ riɛk mi bɛc, puɔl pua̱nykiɛn kä puɔthkɛ. |
|
| 5 |
|
| Thilɛ kɛ rik ce̱tkɛ nɛy tin kɔ̱ŋ, kä thilɛ kɛ mi bɛc ce̱tkɛ nɛy tin kɔ̱ŋ. |
|
| 6 |
|
| Kɛ kui̱c ɛmɔ läthkɛn liak ŋuääk ce̱tnikɛ tik, kä ciɛŋ kɛn ko̱r ce̱tnikɛ bi̱i̱. |
|
| 7 |
|
| Ci nyinkiɛn käny raar kɛ thiɔl, kä ci lo̱ckiɛn thia̱a̱ŋ kɛ dɔ̱ɔ̱r. |
|
| 8 |
|
| Dɔl kɛn ni naath kä lat kɛn ni ti jiäk, ni liakä lat kɛn ni ɣöö ba nɛy tin kɔ̱ŋ ciɛŋ a jiäk. |
|
| 9 |
|
| Lat ni ruac mi jiääk kɛ kui̱ Kuɔth, kä ci ruacdiɛn wi̱c muɔ̱ɔ̱n thiäŋ. |
|
| 10 |
|
| Kɛ kui̱c ɛmɔ cu nɛɛ Kuɔth guɔ̱ɔ̱r nikɛ, kä cu naath ŋäth ni min lat kɛn ɛ. |
|
| 11 |
|
| Kä cukɛ wee i̱, “Kä bi Kuoth ɛ kulɛ ŋa̱c i̱di? Ɛn Kuoth in Di̱t ni Jɛn tëë kɛ ŋäc?” |
|
| 12 |
|
| Kä nɛnɛ, nɛmɛ ɛ jɛn ta̱a̱ ji̱ nyuɔɔni, ni ciaŋ tekɛ malä, kä reep ria̱ŋdiɛn ni rɔ. |
|
| 13 |
|
| Ɣän cä lɔcdä jak kä gɔaa baaŋ, kä thilɛ mi jiääk mi cä la̱t. |
|
| 14 |
|
| Ɣän cä cuuc kɛ cäŋ kɛɛliw, kä la dua̱ckɛ ɣä kɛ runwaŋni diaal. |
|
| 15 |
|
| Kä mi cä wee i̱, “Bä ruac inɔ,” derɛ ce̱tkɛ ɣöö /ci ɣän te rɛy ganku. |
|
| 16 |
|
| Kä mëë cä ɣɔ̱n ɛn ɣöö bä kɛn ti̱ti̱ diaal ŋa̱c, cuɛ la la̱t mi cuuc ni ɣä baaŋ, |
|
| 17 |
|
| amäni mëë cä wä rɛy luaak Kuɔth, cua̱ gua̱th in bikɛ wä guut thi̱n ku lɛ ŋa̱c. |
|
| 18 |
|
| Kɛ thuɔ̱k bikɛ la̱th guäth mi tekɛ rik, kä bikɛ jak kä tëth ɛ bikɛ nuɔr. |
|
| 19 |
|
| Kä cukɛ cu duɔ̱p nikɛ gua̱a̱th mi tɔt, kä cuɛ cua̱ jɛn riawdiɛn inɔ! |
|
| 20 |
|
| Cukɛ cu ce̱tnikɛ min la raan ɛ ker ni̱n kɛ läk, kä kɛ jiëcdu kɛ rɔ lö Kuäär, bikɛ cu riaw. |
|
| 21 |
|
| Kä mëë ci lɔcdä jiath, kä ci ca̱rä jiääk, |
|
| 22 |
|
| cua̱ la dɔ̱a̱r kä cua̱ ŋɔak kui̱c, cua̱ lät ce̱tkɛ ley kɛ ji̱. |
|
| 23 |
|
| Kä cua̱ ŋot bä ta̱a̱ kɛɛl kɛ ji̱, kä curi tet cuëëcdä käp. |
|
| 24 |
|
| Kä curi ɣä bo̱th kɛ ruacdu, kä kɛ kɔrɛ bi ɣä naŋ rɛy buɔyä. |
|
| 25 |
|
| Kä ɛŋa mi tekɛ ɣä nhial ɛ /ci mua ji̱n? Kä thilɛ mi göörä wi̱i̱ muɔ̱ɔ̱n ɛ ni ji̱n. |
|
| 26 |
|
| Dëë puɔ̱nydä kɛnɛ lɔcdä thil lua̱ŋ, duundɛ ɣöö Kuoth ɛ jɛn buɔ̱m lɔaacdä kä ɛ duŋdä mi do̱raar. |
|
| 27 |
|
| Ɛ nɛy diaal tin nɔ̱a̱n kɛ ji̱ li̱w, kä däk nɛy diaal tin /ci gɔw kɛ ji̱. |
|
| 28 |
|
| Duundɛ ɣöö kɛ ɣä gɔaaɛ ɛn ɣöö thie̱e̱kä kɛ Kuoth, kä cä Kuäär ni Kuoth jak kä gääŋdä, kä bä lätkɛ diaal lat. |
|
|
|
|