|
| 1 |
|
| Ɛŋu mi päl i̱ kɔ amäni cäŋ kɛl lö Kuoth? Kä ɛŋu mɔ ci gakdu ben kä detku mɔ ce̱tnikɛ tol ɔ? |
|
| 2 |
|
| Car nɛɛku tëë ci kuëny rɔɔdu ni wal, nɛy tëë ci luɛl kɛ ɣöö bi kɛn ɛ ji̱ thuɔk duëëlu. Kä car Päm Dha-yɔn min la gua̱a̱th ëë ci kɔŋ cieŋ thi̱n. |
|
| 3 |
|
| Jälɛ bɛ ɛn gua̱a̱th ɛ ci da̱kɛ, gua̱n tɛ̈r cɛ ti diaal ya̱r rɛy luaak Kuɔth. |
|
| 4 |
|
| Ci ji̱ tɛ̈ru köök rɛy luaakdu min rɛl rɔ, ɛ cikɛ bɛ̈rikiɛn cuŋ thi̱n. |
|
| 5 |
|
| Kä ce̱tkɛ nikɛ nɛy ti waa jiɛn jɔp ruup kɛ jiöpnikiɛn. |
|
| 6 |
|
| Ɛ cikɛ jiɛn tin ca dööp thok luaak ŋuɔ̱k kɛ jiöpni kɛnɛ kɔcɔakni. |
|
| 7 |
|
| Ci kɛn luaakdu cu cua̱th kɛ mac, cikɛ gua̱a̱th cieŋädu ya̱r. |
|
| 8 |
|
| Kä ruackɛ kamnikiɛn wäkɛ i̱, “Ɛ puc bakɔ kɛ joc.” Cikɛ gua̱th pali Kuɔth diaal cu waŋ rɛy wec. |
|
| 9 |
|
| /Ci nɛy nyuuthnikɔ lɛ nɛn, kä cɛ cu thil go̱o̱k ti ci duɔth, kä cɛ cu thil ram mi ŋäcɛ kä kɔ, ɛn nɛmɛ bɛ mäni nɛy. |
|
| 10 |
|
| Kä bɛ kulɛ ɛ mäni nɛy lö Kuoth bi gua̱n tɛ̈r ji̱ dɔlɔ? Ɛ bi kɛn ji̱ ku kuëth amäni cäŋ kɛl? |
|
| 11 |
|
| Kä ɛŋu ci la̱th ni tetdu luɔ̱ɔ̱c jɔkɔ, ɛŋu mɔ ci la̱th ni tetdu jɔkdu mɔ? |
|
| 12 |
|
| Duundɛ ɣöö ji̱n Kuoth ɛ ji̱n Kuäärä ni walkä, lätdi ni lät känä rɛy ɣɔaa. |
|
| 13 |
|
| Curi yiër da̱a̱k kɛ buɔ̱mdu, kä curi ley yiëri tin dit wuɔ̱thkiɛn töl. |
|
| 14 |
|
| Kä ɛ ji̱n ɛ nëë riac wi̱c nyaaŋ, kä curi jɛ ka̱m naath tin cieŋ rɛy dɔaar ɛ la mi̱eth. |
|
| 15 |
|
| Kä ɛ ji̱n ɛ nëë lɛ liɛl kɛnɛ löli pi̱i̱ni, kä curi kiɛr diaal jakä do̱n. |
|
| 16 |
|
| Kä cäŋdäär ɛ duŋdu kä wäär bä ɛ duŋdu, kä curi cäŋ kɛnɛ pay cak. |
|
| 17 |
|
| Kä ji̱n curi pëk ɣɔaa diaal la̱t, kä ci tɔ̱t kɛnɛ mey la̱t. |
|
| 18 |
|
| Car mɛmɛ lö Kuoth Nhial ɛn ɣöö ji̱ tɛ̈ru dɔalkɛ ji̱, kɛn nɛy ti dɔa̱a̱r ɛ ti dɔalkɛ ciötdu. |
|
| 19 |
|
| /Cu tëk nɛɛniku käm ley dɔaar, kä /cu tëk canku päl ruëëc amäni cäŋ kɛl. |
|
| 20 |
|
| Car mat ruac ëë ci lat kɛ kɔ, kɛ ɣöö ci nɛy tin görkɛ ko̱r gua̱th diaal tin col rɛy wec thiäŋ. |
|
| 21 |
|
| Kä ɛ ga̱yku /ca lɛ ciɛŋ kɛ ciaaŋ po̱cä, kä ɛ can kɛnɛ ga̱y liakɛ ciötdu. |
|
| 22 |
|
| Jiɛc rɔ lö Kuoth kä bër gaŋ rɔ, kä carɛ ɛn ɣöö ca dɔl ɛ nɛy ti dɔa̱a̱r kɛ cäŋ kɛɛliw. |
|
| 23 |
|
| Kä /cu ŋɛ̈ɛ̈ny ji̱ tɛ̈ru bi pa̱l ruëëc, ɛn rɔal in te thi̱n ni ciaŋ. |
|
|
|
|