×

Ang Biblia 1982

SALMO 75

1
Nagapasalamat kami sa imo, O Dios; nagapasalamat kami; nagapanawag kami sa imo ngalan kag nagasugid sang imo makatilingala nga mga binuhatan.
2
Kon makita ko ang napat-ud nga tion magahukom ako sing matadlong.
3
Kon ang duta kag ang tanan niyang pumuluyo nagauyog, ako ang nagapatindug sang iya mga haligi. Sela
4
Nagasiling ako sa mga matinaastaason, “Dili kamo magmatinaastaason,” kag sa mga malauton, “Dili pagbayawa ang sungay;
5
dili pagbayawa sa mataas ang inyo sungay, ukon magpamolong nga may pagkatingkoyan.”
6
Kay indi sa sidlangan ukon sa katundan ukon bisan pa sa bagatnan nagagikan ang pagbayaw;
7
apang ang Dios amo ang hukom, sia nagapapaubus sang isa kag nagabayaw sang isa.
8
Kay may tagayan sa kamut sang Ginoo, nga ang alak nagabukal, nga puno ini sang panakut; kag magatagay sia gikan sini, ang iya mga labud titi-on sang tanan nga malauton sa duta kag imnun ini.
9
Apang ako magabantala sa gihapon, magaamba ako sing mga pagdayaw sa Dios ni Jacob.
10
Ang tanan nga sungay sang mga malauton utdon ko, apang ang mga sungay sang matarung bayawon.
Ilonggo Bible 1982
Ang Biblia 1982 Philippine Bible Society
:
Save Notes