Buku Loyera
|
| 1 |
| Mulungu ndi wodziŵika m'dziko la Yuda, dzina lake ndi lolemekezeka mu Israele. |
| 2 |
| Hema lake adalimanga ku Yerusalemu. Malo ake okhalamo ali kumeneko ku Ziyoni. |
| 3 |
| Kumeneko adathyola mivi youluzika, zishango, malupanga ndi zida zonse zankhondo za adani ake. |
| 4 |
| Inu Mulungu, mukuwonetsa ulemerero ndi mphamvu kupambana mapiri a zofunkha. |
| 5 |
| Mudalanda zofunkha za anthu olimba mtima, mudaŵagonetsa tulo tofa nato, ankhondo onse sankatha kuchita kanthu ndi manja ao. |
| 6 |
| Pamene mudaŵaopsa, Inu Mulungu wa Yakobe, onse okwera pa akavalo ndi akavalo ao omwe adagwa nangoti kakasi. |
| 7 |
| Zoonadi, Inu ndinu woopsa. Angathe kuima pamaso panu ndani pamene mkwiyo wanu wayaka? |
| 8 |
| Chiweruzo chanu mudachilengeza kumwamba, anthu a pa dziko lapansi adaopa nakhala chete, |
| 9 |
| pamene Inu Mulungu mudaimirira kuti muweruze anthu, ndi kupulumutsa opsinjidwa onse a pa dziko lapansi. |
| 10 |
| Zoonadi, mkwiyo wa anthu umabweretsa ulemu kwa Inu, opulumuka ku mkwiyowo mumaŵasunga pafupi ndi Inu. |
| 11 |
| Lumbirani kwa Chauta, Mulungu wanu, ndipo muchitedi zimene mwalumbirazo. Onse omzungulira abwere ndi mphatso kwa Iye amene ayenera kumuwopa, |
| 12 |
| ndiye amene amathetsa mphamvu akalonga ndipo amaopsa mafumu a pa dziko lapansi. |
| Sungani Zolemba |
https://beblia.bible:81/BibleAudio/chewablydc/psalms/076.mp3
150
76