×

現代台語譯本羅馬字版

詩篇 76

1
Tī Iû-tāi, Siōng-tè lâng-lâng lóng bat; tī Í-sek-lia̍t, I ê miâ siū chun chòe tōa.
2
Tī Sat-léng, ū I ê hōe-bō͘; tī Sek-an, ū I khiā-khí ê só͘-chāi.
3
Tī hia, I at-chi̍h hé ê chìⁿ, húi-hoāi tún-pâi, to-kiàm, í-ki̍p só͘-ū ê bú-khì.
4
Lí ê êng-kng kap ui-giâm iâⁿ-kè tún-móa chiàn-lī-phín ê soaⁿ-niá.
5
Siōng-ióng ê lâng lóng siū chhiúⁿ-kiap; in khùn--khì bô koh chhíⁿ, liân chiàn-sū mā bōe-tàng chhut-chhiú.
6
Ngá-kok ê Siōng-tè ah, lí chi̍t-ē chek-pī, chiàn-chhia, chiàn-bé lóng tó--lo̍h-khì, bô koh khí--lâi.
7
Chí-ū lí thang kiaⁿ-ùi; lí ê siū-khì chi̍t-ē hoat-chhut, siáⁿ-lâng tī lí bīn-chêng khiā ōe tiâu?
8
Siōng-tè ah, lí khí-lâi sím-phòaⁿ, beh kiù tōe-chiūⁿ só͘-ū khùn-khó͘ ê lâng; lí chi̍t-ē tùi thiⁿ soan-phòaⁿ, tōe chiū kiaⁿ-hiâⁿ m̄-káⁿ chhut-siaⁿ.
9
10
Lâng ê siū-khì chòe-āu ōe pìⁿ-chòe tùi lí ê chheng-chàn; keng-kè lí siū-khì lâu--lo̍h-lâi ê lâng ōe ûi óa-lâi kèng-pài lí.
11
Tio̍h tùi Siōng Chú — lín ê Siōng-tè hē-goān, mā tio̍h siā-goān; sì-ûi ê lâng tio̍h tòa lé-mi̍h hiàn hō͘ thang kèng-ùi ê Chú.
12
I beh hō͘ kiau-ngō͘ ê kùi-cho̍k làu-khùi; I beh hō͘ sè-chiūⁿ ê lia̍t-ông kiaⁿ-ùi.
Chinese TTVR
The Bible Society in Taiwan
:
保存笔记