Bukuit Ne Tilil RV 2015
|
| 1 |
| Naat Kamuktaindet eng' Judah: Oo kainennyi eng' Israel. |
| 2 |
| Miitei koonnyi Salem, Ak miitei Zion ole menyei. |
| 3 |
| Ki iri eng' olooto kipchabonik che po kwanget; Long'eet ak rotwetap chok, ak lugeet. |
| 4 |
| Iluu ak itinye telunateet kosiir tuloonoogap che luulsei. |
| 5 |
| Kogeluul che nyigoonen, kogoruiyo konuukso; Ak ma mi eng' piik che kiimeen ne kinyoor eunekwak. |
| 6 |
| Ee Kamuktaindetap Jakobo, inuuktos kariisyek ak paraisisyek Amu kereng'ung' po kong'. |
| 7 |
| Kanyool kiywein inyeendet, inyee; Ak ng'oo ne imuuchi kotonon eng' taing'ung' ko kenereech? |
| 8 |
| Ki imwau kirwooget kogasak kobun kipsengwet; Ki iyweis emet, ak ki siis, |
| 9 |
| Ye kingo ng'eet Kamuktaindet korwooch, kosar tugul che talaen che po ng'wony. |
| 10 |
| Iman ilasun nereegegap piik: Irategei nereegek che kang'et. |
| 11 |
| Oarorchi Kamuktaindet ne Toroor Kamuktaindeng'wong', ak oyaakyi: Ingoipchi kagoochinoik, icheeget che mi ole neegitee ineendet, ineendet ne nyoljin kiywei. |
| 12 |
| Tilei ineendet saboonwegap pounik: Imui ineendet laitorinigap ng'wony. |
| Save Notes |
https://beblia.bible:81/BibleAudio/kalenjinrevised/psalms/076.mp3
150
76