×

SEBR SÕNGO 1998

Yɩɩla 76

1
A Asaf yɩɩlle. Yɩɩnda ne ruuds la koala.
2
Wẽnd lika b meng Zɩɩda, b yʋʋra yii wʋsg Israyɛl.
3
B wẽ-la b sika Salɛm, Siõ tãnga la b zaoolg b ro-sõngo.
4
Yaa be la b kao bɛɛba tãbdo b gãongo la b sʋʋga, n sɛɛs zabre.
5
Siõ yãgda ne neerem, be la bɛɛba laog reeg n zam wa tãnga.
6
Tãb-biisa sẽn da pid ne raooda waa n mikame tɩ b reesa b teedo. B basame tɩ gõeem lub-ba. B sẽn neke b pa le yãend zab teoog b nugẽ ye.
7
Yãmb mooga y nif ne bãmba, Zakoob Wẽnde, tɩ wiid la wed-dʋʋdb gĩin wẽneg n maage.
8
Yãmb sɩd kẽesda rabeem, la ãnda n tõe n yals y taoore, y sũura sã n wa yik n kɛɛda?
9
Yãmb bee yĩngri n kaood y bʋʋdo, tɩ dabeem kẽed dũni wã, t'a zĩ sɩɩ,
10
yãmb sã n wa yik n yeele tɩ y na n fãaga dũni wã nin-bõonesã.
11
Ad-y neba sũur sẽn puuga menga na n lɛɛg n waa ne yãmb yʋʋra pẽgre. Sẽn põs-b bʋʋda, b sẽn ka paalg b rãmbã na n maana kibs n pʋʋs-y barka.
12
Pʋlem-y y pʋleng y Soaala la y Wẽndã, la modg-y n pids y pʋlengo. Yãmb fãa sẽn be b sɛɛgẽ wã, wa-y ne kũuni n kõ Pãng-Soabã.
13
B taoore rĩm biisa yɛɛsdame, tɩ tẽnga dĩm dãmba rigda.
Mossi SSDC 1998
SEBR SÕNGO Alliance Biblique du Burkina Faso, 1998
:
Save Notes