×

أَتَّوْرَتْ دَ أَنَّبَاوَا 2020

Zabura 77

1
دَ مُرْيَ مَيْ ڧَرْڢِے نَيِ كُوكَا غَ اللَّهْ ؞ نَيِ كُوكَا دَ ڧَرْڢِے دُواْمِنْ يَجِنِ؞
2
أَ رَانَرْ وَهَلَاتَ، نَنٜىٰمِ عُبَنْ‌غِجِ دَ دَرٜىٰ نَمِيڧَ هَنُّونَ غَرٜىٰكَ بَا هُوتَوَا، عَمَّا رَيْنَ بَيْ كَرْٻِ تَعَظِيَّبَ؞
3
نَتُنَ دَ اللَّهْ ، سَيْ نَكَطَ كَيْ، نَيِ تَتُنَانِ، سَيْ نَڢِدَّ ذُوثِيَا؞
4
كَا حَنَ عِدَنُونَ بَرْثِ، نَدَامُ ڨُورَيْ حَرْ بَانَ عِيَ مَغَنَ؞
5
نَيِ تُنَانِنْ ݣُونَكِنْ دَ سُكَ وُثٜىٰ، نَتُنَ دَ شٜىٰكَرُنْ بَايَ شٜىٰكَرُنْ دَ سُكَ وُثٜىٰ دَ دَطٜىٰوَ؞
6
دُكَنْ دَرٜىٰ نَيِ تَرِڧٜىٰ كَيْنَ، نَيِ تَتُنَانِ، نَكُمَ بِنْثِكٜىٰ كَيْنَ،
7
نَثٜىٰ، «كُواْ عُبَنْ‌غِجِ ذَيْ يَاشٜىٰمُ حَرْ أَبَدَا؟ بَذَيْ ڧَارَ نُونَ أَلْحٜىٰرِبَ؟
8
ڧَوْنَرْسَ تَبَرْمُ حَرْ أَبَدَا كٜىٰنَنْ؟ أَلْڧَوَرِنْسَ بَذَيْثِكَبَ دَغَ ڟَارَا ذُوَا ڟَارَا؟
9
اللَّهْ يَمَنْتَادَ يِنْ جِنْڧَيْ نٜىٰ؟ كُواْ عَثِكِنْ ڢُشِنْسَ يَجَنْيٜىٰ تَوْسَيِنْسَ؟»
10
سَيْ نَثٜىٰ، «أَبِنْدَ يَظَڢٜىٰنِ سُواْسَيْ شِينٜىٰ حَنُّنْ دَامَ نَ مَڢِے طَوْكَكَ يَدَيْنَ تَيْمَكُوانْمُ؞»
11
يَا يَهْوٜىٰهْ ، ذَنْ تُنَ دَ مَنْيَنْ أَيُّكَنْكَ؞ عِ، نَا تُنَ دَ أَيُّكَنْ بَنْ مَامَاكِ أَبُبُوَنْدَ كَعَيْكَتَ أَدَا؞
12
ذَنْيِ تَتُنَانِ عَكَنْ دُكَنْ أَبُبُوَنْدَ كَيِ، ذَنْ دِنْ‌غَ تُنَانِ عَكَنْ دُكَنْ أَيُّكَنْكَ؞
13
حَنْيَرْكَ دَ ڟَرْكِے تَكٜىٰ، يَا اللَّهْ ، وَنٜىٰ اللَّهْ نٜىٰ مَيْغِرْمَ كَمَرْكَ؟
14
كَيْ نٜىٰ اللَّهْ وَنْدَ يَكٜىٰ عَيْكَتَ أَيُّكَنْ بَنْ مَامَاكِ؞ كَيْ نٜىٰ كَا بَيَّنَ إِيكُوانْكَ عَثِكِنْ ڧَبِيلُ؞
15
تَوُرِنْ إِيكُوانْ حَنُّنْكَ كَڢَنْشِ جَمَعَرْكَ، یَیَنْ يَعْڧُوبَ دَ نَطَنْسَ يُوسُڢَ؞
16
يَا اللَّهْ ، دَ ضُوَيٜىٰ سُكَغَ كَنَ ذُوَا، دَ ضُوَيٜىٰ سُكَ غَنْكَ سَيْ سُكَجِڟُواْرُواْ؞ ظُرْڢَڢَّنْ تٜىٰكُ كُمَ سُكَيِ ضَوَرْ جِكِے؞
17
غِرْغِجٜىٰ سُكَ سَكِ ضُوً سَمَ، سَرَرِنْ سَمَ سُنْ بُغَ ڟَاوَ، كِبِيُواْيِنْ وَلْڧِيَرْكَ سُكَ حَصْكَكَ كُواْعِنَ؞
18
ڧَارَرْ ڟَاوَرْكَ تَيِ تَبُغَاوَ كُواْعِنَ، وَلْڧِيَ كُمَ تَحَصْكَكَ دُونِيَا دُكَ، ڧَسَا تَيِ ضَوَ تَكُمَ غِرْغِظَ؞
19
حَنْيَرْكَ تَبِے تَثِكِنْ تٜىٰكُ، وُرِنْ تَڢِيَرْكَ يَرَڟَا ظُرْڢَڢَّنْ ضُوَيٜىٰ، عَمَّا عَلَمَرْ تَڢِنْ ڧَڢَرْكَ بَعَغَنْ تَبَ؞
20
كَا بِيدَ جَمَعَرْكَ كَمَرْ مَكِيَايِ تَهَنُّنْ مُوسَٰى دَ هَٰرُونَ؞
Hausa Bible Arabic 2020
Hausa Common Language Ajami Bible The Bible Society of Nigeria, 2020
:
Adana Bayanan kula