RUAC KUƆTH IN RƐL RƆ 1998
|
| 1 |
| Ɣän cä Kuoth cɔl kɛ ɣöö bɛ ɣä luäk, cä Kuoth cɔl ɛlɔ̱ŋ kɛ ɣöö bɛ ɣä liŋ. |
| 2 |
| Kɛ cäŋ rikädä cä Kuäär ni Kuoth go̱r, cä tetkä tar nhial kɛ wäär ɛ thil cuɔ̱c, kä cuɛ thil mi buum ti̱eydä. |
| 3 |
| Kä mɔ cä Kuoth car ɔ, la lɔcdä a jiɛth, mɔ cä wee tiɛɛmä jɛ mɔ, la dualä. |
| 4 |
| Kä curi ɣä jak kä ji̱n, cua̱ dual ɛ bä ruac kui̱c. |
| 5 |
| Kä cua̱ ni̱n tëë wal car, cua̱ wä tim ni run tëë ci wä ni wal. |
| 6 |
| Cua̱ diitkä tim kɛ wäär, cu lɔcdä ca̱r, kä cua̱ rɔ thiec i̱, |
| 7 |
| “Ɛ bi Kuäär ni Kuoth nɛy ku lo̱k amäni cäŋ kɛl, a /cɛ gɔɔydɛ bi lɛ nyɔk kɛ nyuɔ̱th? |
| 8 |
| Ɛ ci nhökdɛ min thil pek ku thuɔ̱k? Kä bɛ cua̱ jɛn guut ruaacnikɛ gua̱thni diaal? |
| 9 |
| Ɛ ci Kuoth kɔ̱a̱c lɔaacdɛ ku pa̱l ruëëc? Ɛ bi gakdɛ pälidɛ kä ku jak kä thil?” |
| 10 |
| Kä cua̱ wee i̱, “Min ŋɔ̱ɔ̱ŋä ɛlɔ̱ŋ, ɛ ɣöö Kuoth Nhial in Dit ni jɛn, ci buɔ̱mdɛ rɔ gɛr.” |
| 11 |
| Ɣän bä lät Kuɔth Nhial tim, kɛ thuɔ̱k ɣän bä lätkɛ tëë wal tin ga̱ykɛ naath car. |
| 12 |
| Kä bä lätkɛ diaal nyiath, kä bä lätku tin buɔ̱m buɔ̱ɔ̱m tim. |
| 13 |
| Kä dupku lö Kuoth rɛl gɔɔydiɛn rɔ, kä ɛ kuoth in mith päär kɛ Kuothda mɔ? |
| 14 |
| Ɛ ji̱n Kuoth in lät ti ga̱ykɛ naath, kä nyuth buɔ̱mdɛ naath. |
| 15 |
| Kä kɛ tetdu min bum curi nɛɛku kän, kɛn kuay Je-kɔb kɛnɛ Jo-thɛp. |
| 16 |
| Mëë ci pi̱w ji̱ nɛn lö Kuoth, mëë ci kɛn ji̱ nɛn, cukɛ dual, cuɛ kɛ lath amäni piny yiëri. |
| 17 |
| Cu pua̱a̱r nhiaal jak kä dɛm, kä cu nhial ma̱a̱r, kä cu bääriku biɛɛr kui̱ni diaal. |
| 18 |
| Cua ma̱a̱rku liŋ rɛy thuɔ̱ɔ̱l, kä cu biɛɛru ɣɔw mɛr ni kɛɛliw, kä cuɛ piny lath. |
| 19 |
| Kä duɔ̱ɔ̱pdu rɛɛtdɛ ni yier, dupku wäkɛ nikɛ rɛy pi̱i̱ni ti ŋuan, kä ŋotdɛ /ca gua̱th ciökniku nɛn. |
| 20 |
| Kä ci nɛɛku bo̱th ce̱tnikɛ det kɛ tet Muthɛ kɛnɛ Ä-ron. |
| Tɔ̱a̱w Notethni̱ |
https://beblia.bible:81/BibleAudio/nuer/psalms/077.mp3
150
77